»» بمحاضرة علم النفس يلي كانت بتحكي عن (التعامل مع المرضى ضمن العيادة)..
حكت النا الدكتورة:
اوعى تقول لمريض غمض عيونك! شو ما كنت بدك تعمل، لا تخلي المريض يغمض عيونو أبداً.
قلنالها وقتها :
دكتورة حتى وقت بدنا نعطي إبرة؟ مو الأحسن ما يشوفها؟
ردت علينا جواب خلاني فكّر كتير:
إذا خليتيه يغمض عيونو معناها تركتيه مع أفكارو، ولما تتركي شخص خايف مع أفكارو فهي حتماً لح توصلو لشي سيء..
ضليت شهر كامل عم فكّر:
(لما نترك الشخص المنفعل مع أفكارو ف هي حتماً لح تحطو بالسيناريو الأسوأ)
ما هي هون المشكلة!
أنك ما عملت ولا ساعدت بشي بالعكس تركتو عاساس ليهدا
المشكلة أنك تركت الشخص التاني مع انزعاجو وزعلو.. تركتو يفكّر ويحلل وياخد ويعطي مع حالو، وبما أنو هو بحالة انفعال فكل أفكارو كانت متجهة للسيناريو الأسوأ..
و السيناريو الأسوأ حيجيب القرار الغلط و حيجيب معو قسوة
نهاركم جميل و تبقوا بألف صحة و حب
د. رامه جبري
مواضيع صحة الاسنان والفم