🟠🔴بمناسبة صدور نتائج المفاضلة
صار لازم لطلاب يلي طلعلهم تحضيري يعرفو مواد السنة التحضيرية بالفصل الأول ويلي منها الفيزياء الطبية
ومن اسمها اكيد خطر ببالكم كذا سؤال متل
🔴 بهي الفيزياء شو لح ندرس؟
⚪شو الفرق بينها وبين فيزياء البكالوريا ؟؟؟
⚫ شو الجانب المشترك بين الفيزياء والطب ؟؟
لح يجاوبكم عن هي الاسئلة الاستاذ عمرو الحبش
مدرب مادة الفيزياء للسنة التحضيرية للسنة الخامسة
ومدرس في ثانوية السعادة والأوائل
🔴شو لح ندرس بهي المادة ؟؟؟
بهي المادة لح ندرس الطيف الكهرطيسي بكافة امواجه
من الأمواج الرادوية ل أشعة غاما
واستخدام هي الأشعة بالتطبيقات الطبية
متل التصوير المقطعي المحوري
والتصوير الرنيني
والطب النووي
⚪شو الفرق بينها وبين فيزياء الباكلوريا
من ناحية المسائل فالمادة ما فيها هي المسائل الطويلة متل مسائل النواسات والأمواج لأنو اسئلتها بتجي اتمتة
وإنما مسائل صغيرة حلها قانون بسيط وصغير
بس كمية النظري فيها كبير وبدها حفظ مع فهم
⚫ شو الجانب المشترك بين الفيزيا والطب ؟؟
اكيد في كتير جوانب مشتركة
مشان هيك في فرع اسمو الهندسة الطبية
يلي بتهتم بالاجهزة ويلي فيها الأشعة يلي لح ندرسها
وحتى الدم يلي بجسمنا بيخضع لقوانين السوائل المتحركة متل (برنولي )
وهاد موضوع الفصل ١٤ من مقرر الفيزياء الطبية .
الفيزياء الطبية مؤلفة من ١٧ فصل
وفي فصول بدها دراسة ٤ ساعات وفي فصلين او ٣ بدههم كل واحد يومين وهي من المواد الصعبة يلي بدها متابعة من أول الفصل لتحصيل اعلى علامة بإذن الله❤
بتلاقو بهاد الرابط شرح الفصل الأول من المادة على اليوتيوب:https://youtube.com/playlist?list=PLONUOkbJVYxVrGe7KgcmbErZLl7i8kX2g
رابط قناة التلغرام يلي لح يتابعكم فيها الاستاذ عمرو الحبش : https://t.me/medical physics syria
