اتذكـر كل ليلـة ما نمـتها بسبب وجـع أسنانـك …
اتذكـر أنو مرت عليك أيام ما فيك تاكـل ولا تشـرب حتّى المي ..
واتذكـر كل ضحكـة خبيتهـا لأنك مو راضي عن ابتـسامتك ..
ولا تنـسى دكتـور الأسنان يلي خفف عنـك كل هـالألـم 💔 ..
فوبيـــا طبيـب الأسنــان
✔️- الفوبيــا : هي حالة الخوف كاستجابة لموقف مهدد للحياة أو خطير فعليّـا « واللـه مو مستاهلة مافي شي بخوّف 💔 » .
✔️- أكدت الدراسات أن نسبة 10% من الناس عندهـم هالفوبيـا [ رهاب أسنان مرتفع ]، والعمر ما الو أي تأثير على هالخوف، يعني الكبار والصغار عندهم ياه .
✔️- عادة بتكون درجة الخوف عند النسـاء أكبر منها عند الرجال بقليل، وممكـن هالخوف يسبب تأجيـل لجلسات المعالجـة من قبل المريض، ويحتاج المريض لعدد أكبر من الجلسات .
✔️- سبب الخـوف عادة مرتبــط بـِ :
◼ أصوات الأجهزة، و الأبر وشكل الأدوات .
◼ تجارب سابقة مؤلمة عند طبيب الأسنان، أو حتّـى سماعك لتجارب الآخرين .
◼ إضافة لكون المريض مو شايف شو عم يصير جوا تمو يعني خوف من مجهول .
⛔ لهـيك اختـار طبيبـك بشكـل صحيح، اختار الطبيب يلي بتوثق فيه، ويلي بترتاح معو، مجرد ما تكون مسلّـم حالك لشخص ثقة، نصف خوفك رح يروح تلقائيا …
⛔ وخليها ببالك طبيب الأسنان مانو شخص مخيـف، ولا غايتـو يسببلـك وجع، واتأكَّـد ع طول أنو كـل دكتـور بيبذل أقصى طاقتو وبكل الطرق الممكنة ليخفف ألمـك ووجعـك .
حُــب كبيـر لأطبـاء الأسنان ..❤..
ويا نيالـك إذا عندك دكتـور أسنان بالعيلـة أو بالشلّـة، خبّـرو اليوم وكل يوم أنَّـك بتحبـو لأنو كنـز ❤ ..
وينــو كنـزك الثميـن ❤ ؟!؟
🖋- إعـداد : الدكتـورة آيـة محمـود .
🖋- المصـدر العلـمي : https://bit.ly/3uMcYYn
منظمـة مـيددوز ~ مصـدرك الموثـوق للمعلومـة الطبيـة 🛡 .
(ميددوز)