للأسف نحنا فينا ثقافة ( إذا المشكلة مو ببيتي فمالي علاقة فيها ) و نضل معميين عن المشكلة لحتى تقع براسنا و تصير ببيتنا ..
وقتها لا تتوقع حدا يساعدك لأنو بالاساس المقولة السابقة متل ما أنت متبنيها فغيرك متبنيها .
للأسف اذا ما كنت أنت عم تعاني من المشكلة فما رح تدرك صعوبتها و خطورتها
تعالو نبسط الأمور :
كونو لغة المصاري سهلة الفهم بالنسبة النا …. تعرف عزيزي القارئ أنو تكلفة يوم واحد بالعناية المشددة الخاصة لمريض الكو فيد بتصل لمليون و ببعض الحالات أكتر و طبعاً اذا انحط المريض على المنفسة فعادة يضل 10 ل 20 يوم أحيانا ً أكثر عدا عن الضغط النفسي
شو عم يصير :
المشافي الحكومية الها طاقة استيعاب محددة و للأسف قليلة وخاصة اسرة العناية المشددة و ما فيها تستوعب العدد الكبيرة من المرضى بنفس الوقت.
المعاناة :
معناة البحث عن سرير عناية صعبة جداً و ما بيعرفها الا اللي جربها و غالباً لما يصير ضغط ما رح تلاقي سرير و حتى بالمشفى الخاصة ممكن ما تلاقي و عندها رح تقف عاجز تطلع على مريضك و هو يموت قدامك ..
نحنا نتمنى ما نصل لهالشي بس لحتى نقدر نحقق هيك شي لازم يكون عنا وعي جماعي.
الوعي الجماعي :
الجاهل هو من يقع بنفس الخطأ مرتين و نحنا صار عنا شوية وعي و خبرة بالجا ئحة
و ما بدنا يصير فينا متل اللي صار بالماضي و لازم كلنا بالمحنة نكون ايد وحدة و نخاف على جارنا و الناس اللي حولينا متل ما نخاف على نفسنا و نحميهن متل ما نحمي أنفسنا
و بالنهاية بهالشي بتكون حميت نفسك و أهلك 🙂
انتباه :
حسب اللي عم نشوفو فنحنا مقبلين على موجة جديدة و شكلها أسوء من اللي سبقوها
و المطلوب منا هلأ نكون أوعى و ما نقع بنفس الخطأ السابق
…
لاحقاً رح شارك معكن مخطط تفصيلي عن طريقة التصرف في كل حالة من الحالات.
دمتم سالمين 🙂
د خالد جمعة
(سماعة حكيم)
Khaled Jomaa
كتاب الدكتور خالد حول كورونا الأعراض وبروتوكول العلاج
https://drive.google.com/file/d/1WDgaR8c_sCvtsrs12IqN1nuBQ1GJFTB2/view?fbclid=IwAR1Q15Gu7Mbe3MVQR5vNhTCNrkB7hRqzJPBF0QxoCJBi1PK705intlCacWg
لا تنسوا تحملوا #تطبيق سماعة حكيم
قناة سماعة حكيم على التيلغرام
لكل ما يهم الأطباء والصيادلة (فرص عمل و أخبار…)
https://t.me/samma3a ،
” #تطبيق سماعة حكيم” أصبح متوافراً على متجر غوغل بلاي Google Play
https://play.google.com/store/apps/details?id=itland.doctor
حمّله الآن
غروب صحتك نعمة للاستشارات الطبية عبر الفيس بوك
https://www.facebook.com/groups/2559079277529316/?ref=share
إي اعطوا اللقاح لكل يلي سجل عالمنصة شو ناطرين؟
قناتنا على التيلغرام للمعلومات الطبية
سماعة حكيم
طريقك إلى المعلومة الطبية الصحيحة
https://t.me/sammahhakim
قناتنا على اليوتيوب.
https://youtube.com/channel/UCoHj1COSXjczUOdjxJEG01w
.
.
.
يلي بياخد اللقاح ممكن ينصاب بشكل خفيف ولا ماعاد ينصاب؟
تواصلنامع الوزارة من أجل الذي سجل من اكتر من شهرين كان الرد انو فترة شهرين كان لابد من وصل الرسالة في حال عدم وصول او رسالة لطلب تحديد المركز الصحي لأخذ اللقاح يمكن إعادة الطلب وفي حال تم التسجيل ولم تصل رسالة موعد اللقاح يمكن تقديم شكوى تأخر تلقيح فئاة الشباب بسبب انو الدفعات الماضية كانت الاخقية لكبار السن وخاصة من لديهم امراض مزمنة والأطباء والعاملين بالسلك الطبي اليوم تم تخفيض سنة اعطاء اللقاح لتحت الخمس وخمسين سنة وصولا للثلاثين
المشافي الخاصة ماعم ترحم جزارين مو مشافي
بالنسبة للوعي للأسف الشديد مافي
وللأسف لهلأ في ناس مستهتره واكتر مابتتخيل