تناول معجون الأسنان عند الأطفال

ميددوز || تناول معجون الأسنان عند الأطفال 🔥

ليك ليك…
حكي كلمته الأولى
ليك ليك…
بلش يمشي
يقبر قلبي صار كبير بفرشي اسنانه لحاله…
و كل ما بيكبر الطفل، بيتعلم شي جديد

نحن اليوم بدنا نحكي عن مرحلة “ريتو يقبر قلبي” 🔥
بهال مرحلة ممكن الطفل تعجبه طعمة معجون الأسنان لأنو أغلب المعاجين تبع الأطفال بتكون منكهة لتشجيعه على التفريش وما بيقدر يقاوم اكلها…

وهون مندخل بحالة الوه!
شو بصير إذا تناول طفلي معجون الأسنان؟!
لازم ناخده عل مشفى دغري؟!
من السيئ أنو يبتلع طفلي معجون الأسنان؟!

لحسن الحظ تناول كمية صغيرة من معجون الأسنان مو سبب لدق ناقوس الخطر. لكن، من المهم معرفة الأخطار الناتجة عن تناول كمية كبيرة…

🔰 بالمختصر، بتعتمد الأعراض على نوع وكمية معجون الأسنان. معظم معاجين الأسنان تكون حاوية على الفلوريد الى جانب مادة كاشطة (حبيبات). الفلوريد يلي بيمنع حدوث النخر وبخلي الميناء قوية.

بالمعاجين العادية، بتكون كمية الفلوريد قليلة للحد الكافي لتأمين الحماية للسن أثناء التفريش.
وصول الفلوريد للمعدة بامكانه يسبب الالم واضطرابات فيها، بالإضافة لغثيان و اقياء و اسهال. لهاد السبب قد يصاب الأطفال متناولي معجون الأسنان بأعراض هضمية طفيفة…

من غير المحتمل لطفل ان يصاب بأكتر من اضطرابات مؤقتة في المعدة ناتجة عن تناول معجون الأسنان. الا انو بحالات نادرة، إذا تم بلع كميات كبيرة من معجون الأسنان المفلور، بتزيد احتمالية ظهور مشاكل وأعراض أخطر لأنه الفلوريد بقوم بتقليل كمية كل من الكالسيوم والمغنيزيوم بالجسم، منها:

1- تشنجات واسهال وسيلان لعابي.
2- صعوبة في التنفس وضعف بالجسم.
3- وطعم مالح وصابوني في الفم.

⛔طب شو بدي ساوي إذا تناول الطفل كمية من معجون الأسنان؟!

▪️من المهم ان تبقي هادئة أولاً، ومتل ما حكينا قبل، من غير المحتمل ان يتعرض طفلك لأي شيء أكثر من الم المعدة إذا كانت كمية المعجون المبتلعة قليلة.

▪️شيء واحد ممكن تقدميه لطفلك: ماء أو وجبة خفيفة أو شراب حاوي على الكالسيوم، مثل الحليب او اللبن (الا إذا طلب مقدمو الرعاية الصحية عدم القيام بذلك). هاد الشي يلي حيساعده بالراحة من آلام المعدة فالكالسيوم يرتبط مع الفلوريد.

لكنننن ⚠️: لا تعطيه ماء أو حليب للطفل إذا كان لديه أعراض (كالاقياء، التشنجات، مستوى الانتباه او اليقظة منخفض) فبيصعب عليه بلعه…

▪️إذا تناول طفلك كمية كبيرة من معجون الأسنان، لا تقومي بإجراءات قاسية، كإجبار الطفل على الاقياء. أفضل شيء تعمليه هو ان تتصلي بالطوارئ او الطبيب على الفور للحصول على نصيحة علاجية من الخبراء. من الممكن ان ينصحوا علاجات منزلية أو طلب المعالجة بالمشفى.

🔰بالنهاية، كيف فيني اوقي طفلي من هل حالة؟
مساعدة طفلك لفهم كيفية استخدام معجون الأسنان هي خطوة مهمة جداً في تطوير عادات صحية فموية جيدة، لهيك:

▪️1- راقبي استخدامهم للمعجون: عن طريق وضع الكمية المناسبة منه عفرشاية أسنانه، فاذا ابتلع معجون الأسنان بتكوني بتعرفي الكمية المبتلعة.

▪️2- تأكدي أنهم عم يبصقوا المعجون بدل ما يبلعوه بعد كل تفريش، وأنهم عم يمضمضوا بالمي لإزالة بقايا المعجون. صحي كمية معجون الأسنان المستخدمة في التفريش هي آمنة للبلع، ولكن هل شي رح يعزز الفكرة بأن معجون الأسنان ليس للأكل.

▪️3- بدلي معجون الأسنان المستخدم، فبدل استخدام معجون بنكهة الحلوى مثلا نستخدم واحد بنكهة النعنع القوي. لكن هل اجراء ممكن يكون عكسي على الأطفال الأصغر عمرا، بحيث رح يرفضوا تفريش الأسنان أو استخدام المعجون على الاطلاق.

▪️4- فرشي أسنانك مع طفلك: بحيث تشجيعهم على تقليدك وتعليمهم عادات سنية جيدة، متل التفريش لدقيقتين، تفريش اللسان، حمل فرشاة الأسنان بالطريقة الصح.

🔰على الرغم من سلامته، يعتبر معجون الأسنان دواء ويجب ان يعامل ويخزن كبقية الأدوية. لذلك لازم نخليه برف عالي أو خزانة الأدوية المغلقة. وإذا سالو إذا فيهم ياكلو منه، ذكريهم أنو مانه أكلة وممكن يعمل واوا بمعدتهم…

مسابقة ميددوز
● إعداد وتحرير: د. سليمان عيسى.
● المصدر العلمي:
1- https://bit.ly/2PDaFEE
2- https://bit.ly/2QLXuBV
3-https://bit.ly/3nMIoIr
🚩 اعـتمادُ “مِنصَّـةِ صِحـَّةِ الـفَم السوريَّـة – MedDose”
المتخصِّصةُ بنشر الموثوقِ من طبّ الأسنـان واختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم