☑ آنسة بدي اشرب مي ..
آنسة جوعان مطولة الفرصة ..؟ !!
يا آنسة أخذلي يزن محايتي وأكلاتي…
مطولين حتى نرجع على البيت آنسة ؟؟؟!!
يا آنسة بدي اطلع على الحمام وبخاف لحالي .
أبعثي معي محمد …!!!
آنسة ضربوا ميار وطلع الدم من رأسه !!!
مين ضربه ..؟؟!!
▫الولد من الشعبة يلي جنبنا انسة أروح معك دلك عليه!!!
وتذهب الانسة مع طلابها لتعرف يلي ضرب طالب من صفها …
▫وعلى الأغلب يتم الحوار بين المعلمين …
▫طلابك مشاغبين وأصحاب مشاكل…شوفي كيف ضربوا طلابي بالباحة …
▫وبلكي مو من شعبتي ..ليش اولادك انظم كمان مشاغبين
▫تعالوا معي وما حدى يلعب مع هدول ..
وحتى بالانصراف …لا تتأخر المعلمة عن حل الخلافات في الشارع ..كونهم من طلاب مدرستها. !!!
◾هذا جزء بسيط من حوارات داخل الصفوف وهذا الشغل اليومي وخاصة في الصف الأول والثاني …
انتبهتوا ..
◾دور الأمهات تقوم به المعلمة وتدافع عن اولاد صفها
ولن تضع اللوم عليهم …كونها هي من تربيهم كالأم تماما
ويقولوا هدول طلابك مشاغبين مثل معلمتهم .
طبعا بين مزح وجد …
كان الله في عونك معلمتي العزيزة ..ودمت ذخرا للأبناء
تحية حب وتقدير لكل معلمة تعتبر نفسها أم ومربية قبل أن تكون ملقنة للمواد .
المرشدة هناءأبوزايد