🚩 الدنيا صيام .. وفايقين مالنا خلاق نحكي ونتناقش بأي حديث 😂💔
وأهم سبب لضيق الخلاق أنو التم نشفان .. والعطش ألف ↖️
بس شو يعني جفاف الفم من منظور طبيب الأسنان؟؟
وكيف بدنا نتجنبوا برمضان 🧐؟!
⭕ الفم الجاف (xerostomia): هو حالة من عدم وجود كمية كافية من اللعاب لتبقي الفم رطب. ممكن أن تحدث لأي شخص مثلا لما نكون قلقين او متوترين، وحتى عند الصيام.
مما يسبب صعوبة في المضغ والبلع، وحتى التحدث، ويزيد من خطر الاصابة بالنخور السنية، بحالة كان سببو دوائي أو مرضي (يعني حالة مستمرة)
⭕أسبابه كتيرة، أهمها:
1- التجفاف أو خسارة الماء؛ ماعم نشرب كمية كافية من الماء او عم نتعرق بشكل كبير.💦
2- عرض جانبي لبعض الأدوية 💊: مثل أدوية ارتفاع ضغط الدم، الاكتئاب.
3- التنفس عن طريق الفم بالليل 😴، يحدث بحالة انسداد الأنف أو لما بتنام وفمك مفتوح.
4- بعض الأمراض: متلازمة سجوجرن (Sjögren’s syndrome)، الايدز، والسكري وطرق علاج السرطان.
5- إصابات الاعصاب يلي بتعصب الغدد اللعابية 🔬.
⭕أما عن أعراضه ( ممكن تظهر ضمن الفم أو الحلق) وهي:
1- شعور بالجفاف والحرقة ضمن الفم والحلق.
2- صعوبة بالمضغ والبلع والتحدث.
3- شفاه متشققة ولسان قاس وجاف.
🔵 وأكيد أغلبنا عم يعاني من هالمشكلة بفترة الصيام.
لهيك لازم تتبع بعض الخطوات خلال فترة الإفطار .. يلي ممكن تساعدك بتخفيف هي المشكلة:
1- اشرب الكثير من الماء، بحيث نشرب كميات منتظمة من الماء خلال هالفترة وخلي كاسة مي الى جانب سريرك ليلا، وهالشي رح يفيدك أكتر من شرب 5 لتر مي بعد السحور 😂 لأنو رح تصير تتحرك متل برميل المي يا غالي 🥴
2- وبغير أيام رمضان ممكن نستعين بمضغ علكة خالية من السكر أو السكاكر (متل الزاهي) ونستخدم مطري شفاه في حال كانت الشفاه جافة🔥
3- فرشي أسنانك مرتين يوميا، ولا تخاف تفريش الأسنان لا يفطر .. طالما انك ماعم تبلع أي معجون أو ماء .. وبحالة الشك من البلع .. بامكانك تستخدم السواك ❤
4- تجنب المشروبات الكحولية و الغازية أو الكافيين (مثل الشاي والقهوة).. لأنها بتفاقم المشكلة 💔
5- لا تتناول طعام حامض، مالح، حار أو حلو كثيرا،
وممكن تستعين ببعض الأطعمة اللذيذة عالسحور مثل التمر الموز اللبن العيران .. هي المواد الغذائية بتعطيك شعور بالإنتعاش وحتى الشبع خلال وقت الصيام. وحاول قد ما فيك بعد عن التدخين.
6- إذا كان السبب بجفاف الفم دوائي، إياك ثم إياك توقف الأدوية يلي ذكرناها قبل ما تحصل على إستشارة أولا حتى لو كنت تعتقد أنها تسبب لك جفاف الفم.
وبالختام منتمنالكم صيام مقبول بعيد عن جفاف الفم والعطش و افطار شهي .. ❤❤
● إعـداد: د. سليمان هيثم عيسى.
●تحرير: د. أريج محمد نجهاني.
● الـمصدر العلمي:
1-هيئة خدمات الصحة الوطنية البريطانية: https://bit.ly/3tTC0B1
2-المعهد الأمريكي لأبحاث طب الأسنان والقحف الوجهي: https://bit.ly/2QFieeh
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة. ❤️❤️
مواضيع صحة الاسنان والفم