جنف قطني والسبب؟؟؟؟ حكيم كيفك أنا عندي وجع ضهر ماعم يروح

جنف قطني والسبب؟؟؟؟

👴حكيم كيفك أنا عندي وجع ضهر ماعم يروح ابدا لا مسكنات ولا كمادات ولا مساج وصورت صورة قالولي معك جنف

👨 طيب عمي شو عمرك وشو عندك امراض مزمنة

👴 العمر ٦٠ سنة تقريبا أمراض الحمد لله ماعندي بس عامل تبديل مفصل ورك من شي ٧ شهور ومن وقتها طلع الوجع على ضهري 😢 وهي الصورة الشعاعية لضهري

👨 قبل الصورة عمي تفضل معي عغرفة الفحص

بعد الفحص الذي تضمن ( المدى الحركي لمفصل الورك والعمود القطني… مع قياس طول الطرفين الحقيقي)

👴 خير حكيم طمني

👨 هلا الصورة بتوضح انو في جنف قطني بسيط يادوب ١٠ درجات بس المشكلة اساسها بالرجل عنا طرف اقصر من طرف بشكل بسيط 🤓 بسبب العملية وهاد وارد جدا وطبيعي

👴 اي شو الحل عني ليكون بدا عملية 😟

👨 لا عمي المشكلة منحلا بنقطتين اولا حذاء طبي ليعوض القصر يلي حصل بالطرف… والنقطة التانية تمارين ووضعيات لنصحح الجنف الحاصل معنا

تنويه
دائما بخطة تأهيل مفصل الورك قياس طول الطرفين
لتفادي المشاكل التي قد تنتقل للعمود الفقري بسبب الحركات المعاوضة التي يقوم بها المريض لتعويض النقص

By: Ahmad Altawil
علاجي معك
No Pain Again

طب علاج فيزيائي سوريا دمشق توعية
راما حايك
أحمد الطويل

(سماعة حكيم)