حتاخدينا رحلة هييي هييي هاد معناه أنو اجا وقت الأكشن والخنا

👶🏻 حتاخدينا رحلة هييي هييي هاد معناه أنو اجا وقت الأكشن والخناقات وتنتيف الشعر بيني وبينك يا ماما جهزي حالك لنكد كبير وجعير معظم الوقت بسبب وبدون سبب 🤸🏻‍♀️
بس بتعرفي صرلا وقت علاقاتنا الدبلوماسية ماشية مليون عم تحفضينا بامبرز المريحة وعم تطعمينا حليبك الطيب فماني حابب خرّب تفاهمنا لهيك تعالي خبرك شو تعملي معي وقت تروحي رحل ويتغير عليي الجو 🤭

👶🏻 أول شي لازم تعرفيه أني أنا هلق كائن غشيم ما بيعرف الليل من النهار ، ساعتي البيولوجية مضروبة بطاريتها وفوق هاد كلو العالم بالنسبة الي متل كيكة كبيرة بدي لحق اكتشفها وحطها بتمي كلها كلها حتى حفوضة البامبرز يا الله شو مشتهي أعرف شو طعمتها 🥲

👶🏻 بناءاً على ما سبق من حقائق وقت بدك تسفريني لمكان مختلف بالوقت عن بيتنا لازم قبل بأسبوع لأسبوعين تعوديني على فرق الوقت يا ماما حتى ما تضطرب نومتي وعذبك فلو فرضنا مثلاً في فرق وقت ساعتين بتجيبيني كل يوم وبتنيميني قبل 10 دقايق من وقت نومتي المعتاد أو بعد حسب .. المهم تعوديني عالروتين الجديد بالتدريج وعالهدا ♥️

👶🏻 حتى ضل حاسس أني بغرفتي وعتختي خدي معك مخدتي وفرشتي وشرشفي لأنو ريحة البيت فيهن كفيلة تهدّيني وتساعدني ما حس بالتغييرات الكبيرة .

👶🏻 مهم جداً تتعاملي معي بذكاء عاطفي يعني تحاولي تربطي عواطفي بروتيني سوا فبوقت الأكل تنشال الألعاب يسكت الكل أقعد عكرسي الأكل أو بحضنك وخلص يبلش وقت الطعام وما بقوم لخلص وأشبع مو منشان يقولوا عنك أم معقدة بس منشان وقت يتغير وقت أكلي المتعود عليه ترجع هالعادات يلي معودتيني عليها تذكر مخي أنو هاد وقت الأكل بس يصير هيك كول أنا هيك متعود 🧘🏻‍♀️ وطبقي هالشي على كلشي حتى صحون البزر وكاسات المتة طالما تعودت مرة وحدة أني كبن وأنتِ تضحكيلي رح ضل كبن لهيك العادة بتحكمني وأنتِ وشطارتك يا ماما ♥️

👶🏻 ممكن ورغم كلشي بتحاولي تعمليه حتى ما عذبك ضل عم أبكي ونكد وقتها لا تحاولي تعاندي عنادي وتفكري أني بكف أو عياط بسكت .. خلص أنا في شي حواليي تغير مو مريحني بهالوقت أنا بحاجة اهتمامك حبك حضنك وتمنحيني الأمان أنو كلشي رح يرجع لمحلو 🙇🏻‍♀️

شفتي تربايتي شو صعبة يا ماما بس مع هيك برجع بقلك أنا كائن غشيم يعني ممكن تنسيني بمدة لسان مجنونة من بابا ليش عم أبكي وممكن كمان بكم حيلة منك متل يلي ذكرتون كلو يمرق وبالأخير اتذكري متل ما تاتا صبرت لكبرتك وربيتك وأنا كمان بدي منك صبر لأكبر وصير حلو متلك وحنون عيني قلبك يلي عم يتحمل قديه تعبان 🥰

بحبك يا ماما ♥️

كنت معكم سَماح صالح محمد ♥️

(سماعة حكيم)