تعد دارة حماية بطاريات الليثيوم من أهم مكونات باوربانك الليثيوم
هالدارة تعرف باسم
Battery Management System
وتترجم ل نظام إدارة البطارية
من فترة نزلنا نصيحة عالصفحة انو لااااتجمع منظومة الليثيوم أيون قبل ماتشحن كل خلية لحالها لحتى تعبي
طيب ليش؟ شو السبب؟
اول شي منشان الخلايا تكون بجهد واحد وأثناء الاستخدام تتناقص وتضل جهودها متقاربة قدر الامكان بحيث ماتفصل دارة الحماية مجموعة الليثيوم بسبب خلية جهدها صار كتير قليل
تنين كرمال وقت تشحن البطارية، ويرتفع جهد الخلايا تشتغل دارة الموازنة شغلها وماتكون شغالة بس لمجموعة خلايا وطافية لمجموعة خلايا
بعض دارات الحماية يزود بميزة الموازنة
ومنقصد بالموازنة بهاي الدارات انو يتم تفريغ الخلية اللي زاد جهدها عن ٤.٢ فولط بحيث يستمر شحن باقي الخلايا وهيي مابقا يزيد جهدها وبعد فترة زمنية كل الخلايا بتوصل لجهد ٤.٢ فولط ومنعتبر انو أنجزنا نسبة كبيرة من عملية الشحن
طبعاً الدارة المتكاملة المسؤولة عن هالعملية بدارات الحماية المنتشرة عنا اسمها HY2213 وهالاسم بيحمل تحتو عدة دارات بمواصفات مختلفة فيما يخص جهد بدء عملية الموازنة وغيرو
بالدارات اللي عنا منحدد تيار الموزانة، أي تيار التفريغ من خلال تحديد شغلتين
الاولى المقاومة الكبيرة بدارة الحماية، بمثالنا ٤٣ اوم
التانية جهد بدء الموازنة، ولنفترض بدارة محددة هوي ٤.٣ فولط
تيار التفريغ اذاً هوي الجهد تقسيم المقاومة
بحالتنا هوي ١٠٠ ميللي أمبير
لهيك أثناء الشحن، اذا لمست هالمقاومات بتحسهم سخنات شوي عند اقتراب انتهاء الشحن
الخلاصة
-اشحن كل خلية لتتعبى قبل التجميع
-استخدم دارة حماية بشكل قطعي، لاتجمع بلا دارة الحماية، حقها فيها
-اذا متوافر عندك جهاز قياس سعة بطارية جمع البطاريات المتقاربة بالسعة الفعلية بعد قياسها
مع تحيات فريق سايبرترون سوريا
يعطيك العافيه
مشكور على هلمعلومات
لكن عندي سؤال
ال cd و fd شو شغلتهم اذا لاحظتهم على البورد
Cybertron سايبرترون
اذا بعد فترة بطلت تفصل الدارة في حال قصر الخرج
بتكون خالصه عالكب وشو السبب ؟
وشو افضل شاحن لشحن مجموعة 22 امبير مع bms40 3sامبير فيه موازنة متل هاد ؟
ومشكور سلفاً
جزاك الله خيرا