درس مهم للكل
Les modes et les temps
الصيغ والازمنة
مع مدام مها
كل ماقدمنا فحص منشوف هالكلمتين بين الاسئلة ومنتجاوزهن بدون مانوقف عندهن طيب الازمنة وفهمناها يعني ماضي حاضر مستقبل، بس الصيغة شو هي؟
ال mode او الصيغة هي الطريقة اللي عم يعبر فيها الفعل عن الحدث او الحالة. شو الوسيلة اللي استخدمناها لظهر الفعل بالشكل اللي عليه. ولما منعرف صيغة الفعل وزمنه منصير منفهم شو بيعني هالفعل لما صار بهالجملة.
بيعطونا فعل لنصرفه مثلا:
Tu chantes
منقوم منعطي مع التصريف معلومات عن الشخص
la personne
Deuxième personne
والعدد
le nombre
singulier
والزمن
le temps
présent
والصيغة
le mode
indicatif
طيب كم صيغة عنا؟ يعني كم وسيلة عنا منقدر نستخدمها للتعبير عن الحدث؟
مو كتار الحمد لله
عنا ست طرق منقدر نستخدمها لنضع الفعل بالشكل اللي نحنا منقصد نعبر عنه، وانا هون لسا ماحكيت عن الازمنة التقيل جاية
كم صيغة عنا؟؟؟؟ قلنا ست صيغ.
اربعة منهن منقلهن
modes personnels
وتنين
modes impersonnels
الاربعة الاولى هنن:
L’indicatif, le subjonctif,
le conditionnel et l’impératif.
التنين الباقيات اللي ماالهن ضمائر هنن:
L’infinitif et le participe.
كل صيغة الها عدة ازمنة بتسمح بتحديد لحظة وقوع الحدث في الماضي او الحاضر او المستقبل.
وكل زمن يسمح بمعرفة هل الحدث ابتدأ او سيبتدئ، انتهى او مازال جاريا .
منبدا بالأربعة الاولى
١- صيغة الحاضر
le mode indicatif
يستعمل بشكل عام للتأكيد على شيئ واقعي، شيئ نحن متأكدين منه ويمكن ان نحدد مكانه في الزمان ( ماضي، حاضر، مستقبل)
Il est venu, il vient, il viendra
الكلام اللي رح قوله كتير كتير كتير مهم وطول عمري اللي بقوله بيكون مهم
لصيغة الحاضر 8 ازمنة ، اربع ازمنة بسيطة واربع ازمنة مركبة.
وكل زمن بسيط اذا سبق حدوثه زمن آخر بيكون مركب.
وكل زمن مركب بيتألف من الفعل المساعد
avoir او être اللي منصرفه في احد الازمنة الاربعة البسيطة بالاضافة الى اسم المفعول الذي له شكل واحد لايتغير في جميع الازمنة المركبة وهالشي بيخلينا نفهم انو حسب شكل وزمن الفعل المساعد بتكون تسمية الفعل المركب، يعني اسم المفعول للازمنة المركبة كلها مالها علاقة بإسم التصريف والدور كلو يقوم به الفعل المساعد.
الفعل المساعد طلع شي خطير
شو اللي عم يتغير؟ بس الفعل المساعد
وبس يتغير الفعل المساعد بتتغير تسمية الفعل المركب
فتنا بالحيط
رح اشرح وحدة وحدة وبعدا بعطي دور كل زمن ولشو منستخدمه خلينا اول نفهم الحكي اللي حكيته
كان ياما كان كان عندي اربع افعال بسيطة
فعل بسيط يعني مافي فعل مساعد
فعل مركب يعني في فعل مساعد
اربع ازمنة بسيطة:
١- مضارع
présent
٢- ماضي ناقص
imparfait
٣- ماضي بسيط
passé simple
٤- مستقبل بسيط
futur simple
اربع ازمنة مركبة:
١- ماضي مركب
passé composé
٢- ماضي تام
plus-que-parfait
٣- ماضي اسبق
passé antérieur
٤- مستقبل اسبق
futur antérieur
الترتيب هاد مارح يتغير. كيف يعني؟
ازمنة الرقم ١ مع بعض
ازمنة الرقم ٢ مع بعض وهيك منكفي
بشرح الرقم ١:
Je joue العب présent
J’ai joué لعبت passé composé
اذا اخدت الفعل المساعد لوحده بلاقي انو هو فعل
avoir
بزمن المضارع. صح؟؟
اذاً الماضي المركب هو زمن فعله المساعد بالمضارع.
الرقم ٢:
Je jouais كنت العب imparfait
J’avais joué كنت قد لعبت
plus-que-parfait
اذا اخدت الفعل المساعد لوحده بلاقي انو هو فعل avoir بالماضي الناقص.
اذاً الماضي التام هو زمن فعله المساعد بالماضي الناقص.
الرقم ٣:
Je jouai لعبت passé simple
J’eus joué قد لعبت
passé antérieur
اذا اخدت الفعل المساعد لوحده بلاقي انو هو فعل
avoir
بالماضي البسيط.
اذاً الماضي الأسبق هو زمن فعله المساعد بالماضي البسيط.
الرقم ٤:
Je jouerai سألعب futur simple
J’aurai joué سأكون لعبت
futur antérieur
اذا اخدت الفعل المساعد لوحده بلاقي انو هو فعل
avoir
بالمستقبل البسيط.
اذاً المستقبل الاسبق هو زمن فعله المساعد بالمستقبل البسيط.
وهيك منشوف انو كل زمن مركب هو زمن فعله المساعد في الزمن البسيط الموافق له .
وشفنا كمان انو حسب زمن الفعل المساعد بتكون تسمية الزمن المركب
وماننسى انو كل اللي حكيناه عن avoir بينطبق على être كمان
1-Je tombe je suis tombé
2- Je tombais j’étais tombé
3- Je tombai je fus tombé
4-Je tomberai je serai tombé
لكن بعد اللعب بيوقع الواحد
1- présent passé composé
2- imparfait plus-que-parfait
3- passé simple passé antér.
4- futur simple futur antér.
هدول اللي حكيت عنهن يعني كل زمن بسيط مع الزمن المركب المرافق له.
هلأ فهمنا الازمنة بس شو علاقتهن ببعض؟
منعرف انو في مضارع وماضي ومستقبل طيب ليش خمس ازمنة ماضي؟؟
اولاً الماضي الناقص والماضي المركب متزامنين وبيجوا مع بعض وهدول اصحاب لايحاول حدا يدخل بيناتهنبس الفرق بيناتهن انو الماضي الناقص قلبه بارد وبطيئ والماضي المركب عصبي بيحدث قوام وبينتهي.
Pendant que je marchais, un enfant est tombé du balcon.
بينما كنت امشي imparfait
سقط طفل من البلكون passé composé.
الماضي المركب حدث اثناء حدوث الماضي الناقص.
يعني السقوط حصل اثناء عملية المشي.
ثانيا، الماضي الاسبق يحصل قبل الماضي البسيط بالزمن
Je sortis quand j’eus pris mes clés.
لقد خرجت عندما اخذت مفاتيحي .
يعني اخدت مفاتيحي اول وبعدا خرجت. ومصيبة اذا خرجت قبل ماآخد مفاتيحي
sortis: passé simple
eus pris: passé antérieur
هالزمنين عادة منشوفهن هيك بالتمارين وبيعبروا عن عمل حدث سريعا في الماضي ومنستخدمهن بالقصص والتاريخ.
اما الماضي التام plus- que- parfait فهو العجوز بين ازمنة الماضي الثلاث:
Imparfait, passé composé, passé simple
هاد بيصير قبل الكل يعني هاد اقدم زمن فيهن منحترمه ومنقدره
– Il a lu les messages qu’il avait reçus de sa fiancée.
مع ماضي مركب
– Il lisait les messages qu’il avait reçus de sa fiancée.
مع ناقص ماضي
– Il lut les messages qu’il avait reçus de sa fiancée.
مع ماضي بسيط
قرأ الرسائل التي كان قد استلمها من خطيبته .
يعني استلمها قبلا وقرأها بعد ذلك
وياويلو لو ما كان قراها
ثالثا المستقبل الاسبق يحصل ايضا قبل المستقبل البسيط.
Il parlera dès qu’il aura fini de manger
رح يحكي لما بيخلص اكل بس اصبروا عليه.
يعني رح يخلص اكل اول وبعدا بيحكي.
انا مارح احكي كل استخدامات الازمنة لانو مابدي اطلع عن الموضوع اللي انا بصدده
وبنتقل للصيغة التانية
٢- صيغة المنصوب
le mode subjonctif
يستعمل للتعبير عن الامنية والشك او الواجب او الخوف مما يمكن ان يحدث او ان لايحدث وطبعا بيعبر عن كتير شغلات وفيه اربع ازمنة:
Présent و passé و imparfait و plus-que-parfait
نحنا منستخدم ال présent المضارع اكتر الشي
Je souhaite qu’il revienne
انا بتمنى انو يرجع.
اما الماضي فمنستخدمه لما بيكون الفعل المنصوب بزمن يسبق زمن الفعل الاول في الجملة.
Je n’ai pas aimé qu’il soit parti.
ماحبيت انو يغادر
والزمنين البقايا ماعاد حدا يستخدمهن وعلوا نحفظ اللي منعرفهن قبل مانوصل للي مامنعرفهن
٣- صيغة الشرط
Le mode conditionnel
يستعمل للتعبير عن شرط او اقتراح او احتمال او طلب مهذب وشغلات كتيرة وفيه زمنين حاضر وماضي
الحاضر
conditionnel présent :
Si tu étudiais, tu réussirais.
اذا بتدرس بتنجح
كم مرة بتسمع هالكلمة بالنهار؟؟؟
والماضي
conditionnel passé :
Si tu avais étudié, tu aurais réussi.
لو كنت درست لنجحت
٤- صيغة الأمر
Le mode impératif
يستعمل لإعطاء امر لثلاث ضمائر هم:
Tu, nous , vous
ويعبر ايضا عن نصيحة او رجاء وفيه زمنين حاضر وماضي ونحنا منستخدم الحاضر عموما وطبعا الامر مالو فاعل يعني هو فعل بلا فاعل.
présent
Viens s’il te plaît.
تعال اذا بتريد
مننتقل للصيغ اللي مابتعود لضمير
٥- صيغة المصدر
Le mode infinitif
لايعود لشخص وليس له عدد ولايتغير يعني مو متل الاربعة اللي ذكرتهن.
نراه في القاموس عند البحث عن معنى فعل ويفيدنا في تصنيف الافعال ضمن المجموعات الثلاث.
كما يستخدم احيانا كإسم
Il aime lire ( la lecture)
Gagner (la victoire) est possible.
المصدر له زمنين : مضارع وماضي
Chanter : présent
Avoir chanté : passé
Être tombé : passé
المصدر المضارع هو الفعل بالمصدر.
والمصدر الماضي هو الفعل المساعد بالمصدر + اسم المفعول
Avoir ou être + participe passé
ومتل ماقلنا دايما التسمية بترجع للفعل المساعد.
٦- صيغة اسم الفاعل والمفعول
كمان هالصيغة مابتعود لشخص يعني ماالها ضمير متل صيغة المصدر
Le participe présent ou passé
يستخدم للتعبير عن عمل وعن صفة او سبب
اسم الفاعل
le participe présent
يعبر عن عمل يتم في نفس الزمن الذي يحدث فيه الفعل الاساسي للجملة.
Jean marchait, criant aux enfants.
كان جان يمشي وهو يصرخ عالاطفال.
طبعا بحصل على اسم الفاعل من تصريف اي فعل بزمن المضارع بالضمير nous وبرفع بعدها ons وبحط محلها ant .
Nous jouons= jouant
اسم الفاعل اذا سبقه حرف جر en بيصير اسمه حال gérondif ووظيفته بأنو يعطينا الظرف او الحال اللي صاير مع حدوث الفعل
L’enfant est arrivé en pleurant.
دخل الطفل وهو يبكي.
اسم المفعول
le participe passé
يعبر عن عمل قد انتهى بالنسبة لعمل اخر
Le dîner terminé, les amis quittèrent la table.
انتهى العشاء وقام الاصدقاء عن المائدة.
اي شو اصدقاء ؟عالقليلة لمووا معنا انا من جهتي مابقى اعزمهن.
ممكن انو نستخدم اسم المفعول مع المساعد être ووقتها بيصير توافق بينه وبين الفاعل (الله يوفق بينهن )
Lorsque la table était dressée, les amis s’installèrent.
عندما انتهى اعداد المائدة جلس الأصدقاء.
هدول نفس الأصدقاء؟؟
ابدا هي آخر عزيمة.
وعموما اسم المفعول يفيدنا في عمل الازمنة المركبة متل الماضي المركب والماضي التام والمستقبل الاسبق الخ….
انا ماشرحت الازمنة بالتفصيل مع استخداماتهن وتصريفاتهن لاني حبيت اوضح معنى الصيغة وتفصيلاتها.
الجوهري في الموضوع هو انو نعرف اي صيغة نستخدم واي زمن بيلزملنا حتى نعبر بشكل صحيح حسب الموقف اللي انوضعنا فيه.
اكيد لسا في شغلات كتيرة نقولها بس هاد كان الحكي لليوم فقط.
كنتم مع مدام مها
وشكرا للي بيترك اسمي وقت بيعمل share وماشكرا ابدا ابدا للي بيحط اسمه
**************
.