: دكتور الي فترة عم لاحظ انو راس ابني من فوق طري كتير وكانو

👩🏻 : دكتور الي فترة عم لاحظ انو راس ابني من فوق طري كتير وكانو مافي عظم شو سبب هاد الشي ‼️

🧑🏻‍⚕️ : هاد الشي كتير طبيعي وموجود غالبا عند جميع الأطفال منسميها البقع الناعمة للطفل👶🏻 وهلق رح اشرحلك عنها بالتفصيل..

جاهزين ل موضوع اليوم.. يلا نبلش 🏃🏻‍♂️❤️

🗯️بالبداية هي البقع بتلعب دور كبير ومهم ب نمو الطفل..واغلب الاطفال حديثي الولادة بكون عندن هي البقع طيب ياترى شو هي البقع وشو بتفيدني ‼️

♦️هي البقع موجودة بمكانين اول مكان هوي أعلى الرأس يلي منسميه (النافوخ الامامي) وتاني مكان أسفل الرأس يلي منسميه (النافوخ الخلف) وناتجة عن عدم اكتمال نمو عظام الجمجمة.. ليش موجودة عند الاطفال❕

1-تسمح ب انضغاظ الصفائح العظمية للجمجمة وهاد الشي بسهل كتير مرور رأس الطفل وعبورو ل عنق الرحم خلال عملية الولادة الطبيعية 🤍

2-بتسمح ب توسيع جمجمة الطفل وهاد الشي بيفسح المجال ل نمو الدماغ يلي بصير خلال السنة الأولى🧠

🗯️ايمتا بتسكر هي البقع الناعمة ‼️

بالنسبة للبقع الموجودة أسفل الرأس بتتسكر بالاشهر الاولى القليلة للطفل أما البقع الموجودة في النافوخ الامامي ممكن تبقى ناعمة لعمر ال 18 شهر 👶🏻❤️

🗯️شو بصير اذا فكرنا نلمس هي المنطقة اللينة‼️

♦️طبعا في حال كنا عم نلمس هي المنطقة بلطف أو كنا عم نفرك راس الطفل بعناية وهداوة مارح يصير أيا شي متل لما نحمم الطفل ونفرك راسو بحنية ورواق مافي داعي نخاف من إيذائه لأن في غشاء متين وسميك تحت فروة رأس الطفل بتحمي الدماغ من اللمسات الخفيفة🤍

🗯️في حال الطفل تعرض ل ضربة بالمنطقة الرخوة كيف بدي اعرف اذا الضربة خفيفة وبسيطة أو قوية ولازم شوف طبيب ‼️

♦️اذا لاحظنا انتفاخ أو تورم بالمنطقة اللينة أو لاحظنا وجود كدمات حول عينين الطفل أو خلف الاذنين ف غالبا هي اعراض ارتجاج الدماغ ولازم نسعف الطفل فورا 💔

🗯️كمان في أعراض تانية بتوضحلنا انو لازم ناخد الطفل عالمستشفى ويلي هيي :

♦️بكاء دون توقف… تقيؤ .. عدم الرغبة في الرضاعة … صعوبة الاستيقاظ بعد النوم … افرازات متكررة أو دم من الانف والاذنين.

🗯️بالنهاية لازم ننتبه ل اطفالنا كتير منيح وخصوصي بالاشهر الاولى من الولادة لازم نعرف مين نسمح يحملو ومين نسمح يلعب معو وبالإضافة لهيك لازم ننبه كل العيلة والاقرباء على هي المنطقة الناعمة ب راس الطفل 🤍👶🏻

وهاد كان كلشي 🤍🤍
كل الحب ل قلوبكن 🤍
كنت معكن انا محمد حمامة

(سماعة حكيم)