رسالة من طالب إلى مصححـين أوراق امتحانات الشهادتين:
معلمي الفاضل ..
الأوراق الموجودة بين يديك هي حصاد سنة كاملة من التعب والسهر والقلق والخوف .. هي أمانه بين يديك …
هذا الذي بين يديك ليس ورق امتحان …
بين يديك قلوبنا وأحلامنا الكبيرة، وأول خطوات مستقبلنا ..
أريد أن أتكلم لك عن شعوري الآن …
أنا واحد من الآلاف لم ينطفئ الضوء فوقه من أشهر ،
أحلام كبيرة وقعت في الورقة، وضحكات كثيرة دُفنت فيها،
دموع كثيرة جفت عليها، لذلك نطلب منك التفتيش والبحث جيداً بين الأجوبة عن ركام الأحلام وعن قبر الضحكات وعن ملح الدمعات …
ببساطة ما في حدا بحب الفشل، بحب الرسوب، بحب يشوف أمه وأبوه بيبكوا، بحب يخذل ثقة الكل ومحبتهم ..
هاد الطالب بيستاهل يفرح، بيستاهل يوم النتائج يشوف عيون أمه عم تدمع من الفرحة، بيستاهل يشوف ضحكة أبوه من الخد للخد وفرحة حبايبه وأصحابه …
كل مين تعب بيستاهل يفرح بعد تعب سنة كامله …
أنا ما بحاول أستعطفكم لكن أنا بس بطلب منكم تشوفوا الأمور كاملة من عيون الطالب لحتى تكونوا عيونه يلي بيشوف فيها وقلبه يلي بحس فيه وأحلامه يلي بيحلم فيها ..
لهيك لا تتسرعوا بحذف العلامات وعطوا التصحيح وقته ودقته وعطوا الطالب حقه ..
حنوا على الطلاب الله يحن عليكم ..
كل ورقة هي أمانة برقبتك وكل طالب هو أمانة برقبتك …
