بتقسم سيارات بي واي دي ب سوريا الناس ل قسمين
قسم بيحب هالصانع
وقسم عاف حالو من صيانتها وخاصة غلاء قطع الموديلات الحديثة
هالشركة للي مابيعرف تاني أكبر صانع للسيارات الكهربائية بالعالم بعد تسلا الأمريكية
هالسيارات بدها بطاريات قابلة للشحن
وأكيد مو جل وكينفون ومدري شو
بطاريات بتعتمد عالليثيوم بتصنيعها
طيب وليش هالمقدمة؟
لأنو طلع فينا نعمل خلايا صوديوم أيون “مو ليثيوم أيون” وهالبطاريات رخيصة لأنو المكون الأساسي، الصوديوم، موجود بكثرة ورخيص، اي نعم بالملح
طبعا وشركة بي واي دي قررت تفتح أول مصنع بالعالم لبطاريات الصوديوم أيون
بطاريات رخيصة، بتشحن بسرعة، بتساع منيح طاقة وأمورها باللوز
رح نحكي ببوست تاني بتفصيل أكتر عن الصوديوم أيون
ملاحظة: خبي ملحك الأبيض ل يومك الأسود
مع تحيات فريق سايبرترون للطبخ والبطاريات والسيارات الصينية
تصحيح بسيط BYD الاولى في السيارات الكهربائية تليها تسلا
قمت بالتحقق من معلومتنا مرة أخرى، وتسلا أكبر صانع سيارات كهربائية في العالم، تليها بي واي دي