دائماً رح تكوني محور اهتمامنا و اللي بهمك بهمنا… ♥️
ألف سؤال شاغلك بالك… ❕❕❕
ولا يهمك نحن جنبك لنجاوبك…♥️
ضمن سلسلة: الصحة الفموية في إطار الأمومة :
البوست الثالث بعنوان شق الشفة و قبة الحنك و تعداد لبعض المتلازمات :
◾ بيحدث بعمر ( 9-6 ) أسابيع من الحياة الجنينية وبيقدر طبيبك يكشفو بتصوير الإيكو بعمر 13 إسبوع تقريباً…
أسبابه :
⬅ عوامل وراثية
⬅ عوامل بيئية :(التدخين، الكحول، المخدرات، التعرض للمبيدات ضمن فترة الحمل)…
بالإضافة الأم المصابة بداء السكري و اللي عندا سمنة زايدة معرضة أكثر لإنجاب طفل عندو شق شفة و قبة حنك
أعراضه :
(خنة في الصوت، صعوبة في الأكل و البلع، التهابات أذن مزمنة)…
التدبير :
عند الولادة ⬅ ما إلك غير تتطمني و ما تخافي أبداً لإنو العلاج موجود 😍
فعملية إصلاح شق الشفة بتنعمل بعمر 3 أشهر
و عملية إصلاح شق قبة الحنك بتنعمل بعمر 12 شهر أو أبكر إن أمكن…
و بالعمر المناسب بتم إجراء جراحات المتابعة 😌…
الوقاية :
☝🏻تجنب العوامل البيئية المذكورة سابقاً
☝🏻و في حال كانت حالة شائعة بعيلتك فيفترض اللجوء للاستشارات الوراثية و استشارة طبيبك لحتى تتناولي بعض الفيتامينات و هذا كلو عند التخطيط للحمل…
🚩 أحيانا بكون شق الشفة و قبة الحنك عرض مرافق مع العديد من المتلازمات مثل :
☝🏻متلازمة ” بيير روبين ” : اللي بيتميز بثلاثية صغر الفك – تراجع اللسان للخلف – شق قبة الحنك و العديد من العلامات
☝🏻متلازمة ” تريتشير كولينز ”
☝🏻متلازمة ” جولدنهار ”
و اللي بهمنا نعرفو إنو سلسلة العلاج بتبدأ من الولادة و بمشاركة عدة اختصاصات…
صحتك و صحة طفلك أمانة عنا دائماً و أبداً فإذا إنتي بخير كلنا رح نكون بخير…♥️
● إعداد وتحرير : د. فرح حجاز
● المصدر العلمي: Mayo clinic
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
عيدالأم
Mothersday
مواضيع صحة الاسنان والفم