👶أول ما بنولد ما بعرف أرضع مزبوط✋🏻مطلوب منك تصبري علي ساعة و ساعتين من دون ما تزهقي😰لإنو بالوقت يلي إنت بتسحبيني فيه عن صدرك و فكرتيني شبعت، أنا بكون بعدني عم سمّي☺️
بتفكريني حردان بس أنا جوعان، و نقص الغذي بيعملي يرقان ولادة بعيد الشر عن قلبي☺️ ..
👶بعد الأسابيع الأولى حتلاقيني عم صرخ و أبكي و افرك بإجريي و لمّ عليكي الخلق … معلش تستحمليني في تلك الفترة😬 أنا لسه جديد و مش متعود على الضوء و الأصوات و درجات الحراره المتغيرة و اللمس و تمجيق النسوان و تغيير الحفاض😬…
رح تاخد معي القصة شهرين ل اتعود ع روتين معين، ما عليكي إلا الصبر يا ست الكل😬أهم شي نيميني بوقت محدد كل يوم، حميميني بوقت محدد كل يوم، عمليلي روتين اتعود عليه و خدي ما يدهش العالم☺️
رح صير ابن عيلة و شاطر، المهم بعديلي رفقاتك تبع التحويط و التمجيق عني✋🏻
👶ل نكون واضحين يا حنونة☺️ريحة ال perfume ، غير انو بتزعجني، بتمرضني✋🏻
أما ريحة العرق، فبتقرفني😌ايه ايه، ما يغرك أنفي صغير، إذا في ريحة بشعة لا فيني ارضع و لا انبسط بالأكل😰
راعي مشاعري يا أمي الحبيبة🙈
👶نسكافيه يا أمورة بدنا نخففو، قهوة بتعصبني، بينزل الكافيين ع حليباتي و بيعملي قلق،،،
ما تجي تصطبحي بركوة قهوة و mug نسكافيه و تقولي ليه ما عم نام؟!😬
أنا ما ذنبي✋🏻
أما بالنسبة للقرنبيط و البروكولي🤣ف ما ضروري خبرك، مغصة وحدة مني كفيلة بإنو تسهرك ليلتين ورا بعض☺️خفي ع كرشك شوي و كلي أكل مغذي☺️
أحسن ما تطلع براسك بعدين،،،🙈
👶بعد كل رضعة ما بدي وصيكي تمسحيلي دقني ببشكير قطن،عشان الحليب بيعقوصني🤗و ممكن بعد فترة تلاقي تسلخات حمرا😰على رقبتي و تقعدي تلطمي و تقولي من شو؟!
منك يا ست الحبايب🙈نقطة الحليب بتعملي صماط، و خصوصي إذا كنت كلبوظ شوي🤗
فهمتي و الا أعصرك أطلع منك أمهات صغيره🤣🤣
منشن ل Mamy kG1 🐣..
د. أحمد نيروخ
(سماعة حكيم)