شو أهمّية الأسنان اللبنيّة

🚩 صحّة أطفالنا بصحّة أسنانهم…

كتير منشوف الأهالي مهملين لصحّة الأسنان اللبنيّة عند أطفالهم بحجّة أنها مؤقتة …

ومو مدركين لأهميّتها ومهملين لمعالجة الإصابات فيها من نخور وغيرها لأن بنظر الأهالي هالأسنان رح يفقدها الطفل بكل الأحوال !!

ولكن هالشي كتير غلط‼️
لأن متل ما منعتبر الأسنان الدّائمة مهمّة كمان الأسنان اللبنيٍّة مهمّة…

⛔شو أهمّية الأسنان اللبنيّة؟

⚠️ الأسنان اللبنيّة ضرورية لصحّة الفم والأسنان الدائمة عند الطفل.

⚠️ إلها دور مهم بعمليّة مضغ الطّعام بشكل كافٍ، وبالتالي امتصاص أفضل للطعام وتأثير إيجابي على نمو الطفل.

⚠️ توفير المساحة والتوضع الصحيح للأسنان الدّائمة وبالتالي منع حدوث انسلال ومنع حدوث مشاكل تقويميّة.

⚠️ منع تطوّر عادات فمويّة سيئة متل دفع اللسان.

⚠️ تطوّر النّطق بشكل صحيح.

⚠️ السّماح بالنّمو الصّحي لعظام الفكين والعضلات.

⚠️ تعزيز النّاحية الجماليّة وبالتالي تأثير إيجابي على شخصيّة الطفل وثقته بنفسه بين رفقاته. 😍😍

⛔ وليكون بعلمنا: الأسنان اللبنيّة الأربعة الأمامية بتبقى عند الطفل لعمر (6 أو 7) سنوات بينما الأسنان اللبنيّة الخلفية بتبقى بمكانها لعمر (11 12) سنة.

⛔ وليكون بعلمنا في دراسة بجامعة يابانيّة لعام 2020 حول أهمية حفظ الأسنان اللبنيّة للاستفادة من الخلايا الجذعيّة الموجودة فيها فيما بعد…

🔰 حافظوا على صحّة أسنان أطفالكم وهنّن صغار حتى يكونوا ممتنّين إلكم وهنّن كبار 🥰♥️…

● إعداد وتحرير : د. سارة جوني.
● التدقيق العلمي : د. علي سقر.

● المصدر العلمي :https://bit.ly/3fqyz0b

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم