والحضور مهم؟
بوست مفصل🔥
1️⃣ أول شي الحضور مهم؟
أكيد الحضور مهم لبعض المواد وخاصة إذا كانت عملية أو علمية مشان تفهموا طبيعة المادة وتفهموا المسائل والقوانين وهيك
وأحيانا دكتور المادة بيعطي شغلات مهمة أثناء المحاضرة بتشوفوها بالامتحان❤
وبالإضافة أنو بيسهل عليكن الحفظ❤
وأحيانا الحضور بكون عليه علامات بالمواد العملية ببعض الهندسات والكليات التطبيقية والمعاهد❤
2️⃣شو هي المحاضرات؟
المحاضرات هي باختصار ملخص للكتاب او الحكي اللي بيحكيه الدكتور يعني عبارة عن طلاب بتكتب ورا الدكتور وبيستعينوا اثناء كتابة المحاضرات بالكتاب وبعدين هالطلاب بكونوا بيتعاملوا مع مكاتب بيعطوهن اللي كتبوه والمكاتب بتبيعكن ياه بشكل ورقي بهديك الحسبة…
وانتبهوا منيح في مكاتب بتعمل محاضرات نفس الكتاب ما بتضيف اي ملاحظات أو شي حكاه الدكتور بس بتحذف اللي حذفو
3️⃣ أي أحسن المحاضرات أو الكتاب؟
المرجع الأساسي الكتاب طبعا وهو الأفضل أكيد
بس اللي ما عم يحضروا صعب يدرسوا من الكتاب لأنو الدكتور بضيف شغلات وبيحذف كتير شغلات، إلا بحالة وحدة إذا استعانوا مع حدا عم يحضر✋✋✋
أما المحاضرات بكون في كذا مكتبة للمحاضرات فبدكن تختاروا المكتبة المنيحة لأنو في مكاتب نسخ لصق عن الكتاب وفي مكاتب بيحذفوا كتير ومكاتب محاضراتها كلها أخطاء
وفي مكاتب هنن الأفضل بيكتبوا اللي بيحكيه الدكتور وبيحذفوا اللي حذفو وبيشرحوا المسائل وبضيفوا اللي حكاه إذا عندكن هيك مكتبات اشتروا منها المحاضرات إذا مافي هيك مكتبات صيروا احضروا وحددوا ع الكتاب وهيك❤❤
4️⃣يعني بالنهاية أي أفضل المحاضرات او الكتب؟
إذا بدك تحضر اشتري الكتاب وحدد عليه وهيك وهاد الأفضل وبتزداد نسبة فهمك كتير
إذا ما بدك تحضر ولا تداوم فالمحاضرات أفضل لأنو بحددوا فيها شو اللي داخل بس تأكد أنو المكتبة منيحة ومتل ما قلتلكم في كتير مكاتب ربحية بحت ومحاضراتها ودوراتعا مليانة أخطاء
5️⃣كيف بدي أعرف المكتبة إذا بتبيع محاضرات منيحة؟
هي بدك تسأل طلاب الدفعات الماضية وبخبروك عن تحربتهن
6️⃣ فينا ندرس من الكتب والمحاضرات سوا ؟
طبعا أكيد فيك وهي أفضل شي 💫
7️⃣محاضرات هديك السنة بتتغير عن هالسنة؟
إذا تغير الدكتور أكييد بتتغير لأنو الكتاب ضخم وكل دكتور بيحذف شي وبضيف شي
أما إذا ما تغير الدكتور فبيتغير شي بسيط بس الأفضل لا تعتمدوا عشي من هديك السنة💫
8️⃣طيب تجربتك ضياء كانت من المحاضرات أو من الكتب؟
أنا كان في مواد أدرسها من الكتب وأحضرها
وفي مواد اشتريلها محاضرات لأنو ما ألي خلق أحضرها
والتنين الحمدلله رفعتهن منيح 💓
بس أهم تنبيه المحاضرات ممكن يكون فيها أخطاء أو ناقصة لهيك كل الدكاترة بينصحوا تبعدوا عنها💫
هي بظن كلشي ورح كون معكن بسلسلة بوستات بكلشي بخص الجامعة مشان الطلاب الجدد
ضياء ناصيف
Deaa Naseef