شو يعني معالجة لبيّة ؟ و إيمتا منلجأ إلها ؟

🚩 الألم التالي للمعالجة اللبيّة :

⛔ إذا سألنا أي طبيب أسنان عام عن نوعيّة المرضى الأكتر تردّد للعيادة فأكيد بقلك مع شهيييق و زفييير عااالي : مرضى اللبية…

⛔ شو يعني معالجة لبيّة ؟ و إيمتا منلجأ إلها ؟

⚠️ هو إجراء للأسنان شديدة التسوّس حيث النخر بكون وصل للّب و فقدنا القدرة على المعالجة المحافظة (إزالة النّخر و ترميم بحشوة فقط) فبقوم الطبيب ب :

استئصال اللب > تحضير اللأقنيةالجذريّة الموجودة بالسن > حشي الأقنية > وضع ترميم نهائي و تتويج السن .

⛔ بعض المرضى بعد جلسات المعالجة اللبية بعانوا من ألم وتورم وعدم راحة و هالأعراض بتخف بعد يومين لأسبوع .

⛔ يعني طبيعي حس بهالألم يا دكتور خلال هالمدّة؟

⚠️طبيعي جداً لكن إذا استمر لفترة طويلة لازم نراجع الطبيب المعالج .

⛔ النصائح اللي ممكن تخفف من الألم بعد المعالجة :

⚠️ عدم الأكل أو الشرب إلا بعد زوال التّخدير لتجنّب العضّ على الخد أو اللسان .

⚠️ إذا استغرقت المعالجة عدة جلسات حافظ على ثبات الترميم المؤقت بمكانه وتجنب الأطعمة القاسية .

⚠️ تناول المسكّنات عند الحاجة .

⚠️ بحالة وجود ورم وضع كمّادات باردة بشكل متناوب كل 15 دقيقة على الخدّ المصاب .

⚠️ الأهم والأهم : الاستمرار بتنظيف الأسنان والاهتمام فيها كرمال ماترجع تعيد نفس التجربة المؤلمة .

وهيك صار عنّا فهم لموضوع المعالجة اللبيّة اللي بيشغل بال الطبيب قبل بال المريض و صرنا قادرين نتصرّف بالشكل الصحيح في حال تعرّضنا لاختلاطات تالية للمعالجة…

دمتم بخير❤

● إعداد : د. اسماء الشمالي .
● تحرير : د. سارة جوني .
● التدقيق العلمي : د. علي سقر .

● المصدر العلمي :https://bit.ly/3pFeOFI

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم