شي مرة سألنا حالنا هالشريطة الصفرا شو بتعني اللون الأصفر بيع

شي مرة سألنا حالنا هالشريطة الصفرا شو بتعني⁉️
اللون الأصفر بيعكس الأمل ووبيرجع للون معدن ثمين وهو الذهب ولأنو ولادنا غاليين علينا كتير 💛🥺
وكونو نحنا بشهر أيلول واللي هو شهر التوعية عن مرض سرطان الأطفال حبينا نحكي بهالمقالة شوي عن هالمرض يلي منتمنى من كل قلبنا الله يعافي كل الأطفال ويشفيهم منو 💔
لح نبدأ أول شي شو يعني سرطان الأطفال ؟ ❓
يعتبر سرطان الأطفال أحد الأسباب الرئيسية للوفيات عند الأطفال ويتضمن :
1-اللوكيميا أو سرطان الدم وهو (الأشيع)
2-أورام الدماغ والأورام الصلبة
3-الأورام اللمفاوية
طب شو هي الأسباب ؟؟ ❓
مجهول الأسباب في الغالب ممكن يكون ناجم عن
التعرض البيئي المتعلق بنمط الحياة أيضاً العدوى بفيروس التهاب الكبد b أو فيروس الورم الحليمي البشري (اللقاحات بهي الحالة ضد هالفيروسات ممكن تخفف من عوامل الخطر السابقة )
الإصابة ببعض الالتهابات المزمنة مثل :الملاريا فيروس الإيدز فيروس إيبشتاين-بار
طب شو هي الأعراض؟ أو كيف منقدر نشخص انو هالطفل مريض💔
بداية لازم نعرف انو هالمرض غير عرضي بغالب الحالات🙁
ببعض الأحيان ممكن يتظاهر بالعلامات التالية:
1-فقدان وزن غير مبرر
2-شحوب الوجه
3-الخمول والتعب المستمر
4-ضعف التركيز
5-الحمى المستمرة وغير المبررة
6-الٱلام المستمرة بالأطراف والمفاصل بلا سبب واضح
7-البقع الزرقاء المتكررة
8-بريق أبيض في العين
9-الانتفاخ غير الطبيعي في البطن
10-نوبات العرق الليلية
*للتشخيص المبكر بهالحالة أولوية ودور مهم جدا جدا لأنو لح يرفع من معدل البقاء على قيد الحياة وهالشي بيعتمد على درجة وعينا ووعي الأهل بشكل خاص التشخيص بالوقت المناسب توفير العلاج بشكل فوري
~العلاج بيكون على الشكل التالي :
اعتماداً على التشخيص الصحيح بيلجأ الأطباء للعلاج الكيميائي أو العلاج الشعاعي أو للجراحة
ممكن يكون العلاج دوائي بيعتمد على بعض الأدوية الغير المكلفة والتي هي خيار بهالحالة
ممكن يلجأ الأطباء للمورفين لتسكين الٱلام القوية والمعتدلة💔
الدعم النفسي والرعاية النفسية الصحيحة لأسرة الطفل وللطفل هي أساس وأولوية والاهتمام بالتغذية الجيدة أيضاً
وبالنهاية منتمنى تضلو بخير دائما ♥️
كانت معكم الصيدلانية حياة شويكي وأي سؤال نحنا دائما جاهزين❤️

(سماعة حكيم)