صباح القوة

صباح القوة ❤️
لمة العيلة..كثير مهم وحلو نخصص لو ساعة بالأسبوع تلم أفراد العيلة..

قعدة كلام عادي .. صدق وشفافية.. كل حدى يحكي وين صار بافكارو ، بمشاعرو.. بأحلامو وشو صار معو بهالأسبوع..

شو مشاكلو .. همومو.. أكثر الشغلات يلي فرحتو .. ويلي زعلتو..

شو ملاحظاتو على باقي أفراد العيلة ومن شو زعلان ومن شو مبسوط منن..

طيب مش ضروري نحكي شي.. نتشارك فيلم او مسلسل او لعبة او حتى قعدة بعيدا عن الموبايل والنت..

أشياء بسيطة كثير بس بتنبي هي الأسرة وبتحافظ على روحها وتماسكها..

هذا التماسك العاطفي وتآلف القلوب بين أفراد العيلة الوحدي كثير مهم.. وبجنبنا كثير مشاكل على أكثر من صعيد ..بالإضافة إنو بيعمل تفريغ عاطفي من المشاعر المزعجة يلي جواتنا..

والأهم بيعطي الثقة والأمان..

تظلوا بخير🍃🌸

د. عصام الحجلي
يسعد صباحكن بكل خير ❤️