تذكرتو المريضة يلي اجتنا بحالة ألم بالفك وصداع شديد
خلونا نتعرف هلأ على سبب هي المشكلة وشو العلاج😌
بالبداية نحن أمام حالة من صريرالأسنان أو (الكز ع الأسنان) بالعامية
⛔ الأسباب
● السبب الأكبر هو التوتر والتشنجات اللا ارادية
و الضغوطات المختلفة يلي منتعرضلا “لهيك في احصائية بتقول انو الإناث أكتر عرضة للإصابة من الذكور بصرير الأسنان” .
● ممكن أن يترافق مع إصابة شخص بيعاني من اضطرابات عصبية مثل داء باركنسون مثلا .
● نشاط هالمشكلة عادة ليلي يعني الواحد بيكز على سنانو وهو نايم و ما بكون حاسس 💔وممكن يمر على المشكلة شهور ولحد السنة وتكتشف بالصدفة أثناء زيارة الطبيب
⛔ العلاج
● بشكل أساسي تخفيف التوتر والعصبية وممارسة التمارين الرياضية المساعدة، وأنشطة ممكن تخلي المريض يفرغ الضغط .
● في شي اسمو جهاز رفع عضة يتم وصفه من قبل الطبيب، طبعا بينحط بالليل وبيساعد على تبعيد الأسنان والتخفيف من المشاكل الناجمة عن الصرير ويلي أهما سحل الأسنان ولهيك بدنا ننوه⚠️انو هاد الجهاز مالو العلاج الأساسي لمشكلة الصرير إنما لتخفيف الأعراض
● وفي حال كان تواجد تشنج عضلي شديد يتم وصف مضاد تشنج من قبل طبيب مختص
● وإذا ترافق مع مشكلة عصبية يتم أيضا وصف الأدوية والمرممات العصبية من قبل الطبيب المختص حسب حالة المريض
في حال كنت شخص عصبي وبتكز على أسنانك لازم تراجع طبيب الأسنان لحتى يعطيك الحل و نتجنب أي اعراض جانبية ممكن تصير أو مشاكل لـ المفصل الفكي نحن بغنى عنها .
أيامكن سعيدة وتبقوا بألف خير ..❤..
إعـداد : د. تالا خالد شرقـاوي .
اعتماد:ميددوز ~مصدرك للمعلومات الطبية الموثوقة🛡️
مواضيع صحة الاسنان والفم