صنع أسنان وظيفية مهندسة بيولوجياً ذات حجم وشكل محددين مسبقاً
أحلام ورديّة ولكنَّ الواقع…. !!
من أحلامنا الأزلية إنو نحصل على سن جديد بدل أي سن منفقده؛ ومع جسدنا والإبداع في خلقه والتطور الكبير بالعلوم هل قدرنا نخلي الحلم حقيقة ‼️ ..
🔰 تعالوا ندردش…
⛔️ في بجسمنا خلايا غير متمايزة و قادرة على التكاثر لأنواع مختلفة من الخلايا وتسمى
الخلايا الجذعية…
⛔️ طيب وين موجودة هي الخلايا يلي بدها تعملي سن جديد ؟!
⚠️ بالبداية قام العلماء بأخذ هالخلايا من أسنان الطفل اللبنية وزرعها في جسم حي…
( وهي الخلايا شديدة التكاثر، وقادرة على التمايز للخلايا العصبية و الخلايا الشبيهة بخلايا الأرومة السنية وغيرها الكثير )
⬅️ وكانت المفاجأة إنو هي الخلايا قدرت تشكل عظم و عاج !!! ..
وبالتالي أصبحت أسنان الطفل اللبنية مصدر محتمل وغير متوقع للخلايا المهمة لتجديد واستبدال الأسنان ‼️ ..
⚠️ بالجانب الآخر مجموعة ثانية من الباحثين قاموا بأخذ خلايا من أسنان البالغين وخلايا من براعم أسنان الخنزير…
⬅️ واكتشفوا إنو يمكن استخدام هي الطريقة لتوليد تيجان أسنان صحيحة من الناحية التشريحية وتتكون من لب وميناء وعاج …
⛔️ رح تتساءلوا ليش ما اختار العلماء نقي العظم بدل الأسنان اللبنية الساقطة مع أنها مصدر مهم لهالخلايا ؟!
⚠️ لإنو وبعد دراسات اكتشفوا إنو الخلايا المأخوذة من الأسنان اللبنية؛ تميّزت عن خلايا نقي العظم بأنها ما شكلت نسيج شحمي،بل شكلت معقد يشبه العاج واللب عند غرسها في الجسم الحي…
⛔️ على الرغم من جمال الفكرة إلا أنها عم تواجه العديد من العقبات والتحديات مثل :
⚠️ كيفية صنع أسنان وظيفية مهندسة بيولوجياً ذات حجم وشكل محددين مسبقاً..
( يعني كيف بدنا نتحكم بحجم وشكل السن الجديد )..
لإنو اختلافات بسيطة جداً (أقل من 1 ميليمتر) ممكن تسبب ألم و خلل بالعضلات والفك والأعصاب والمفصل الفكي الصدغي وحتى بالجمالية…
⚠️ أما التحدي الثاني فهو التكلفة الباهظة.. فتكلفة الأسنان المهندسة بيولوجياً قد تبلغ 10000 دولار مثلاً 💲 .
وهذا اعتبار مهم جداً لأنه مجال الطب التجددي مليء بالمنتجات اللي فشلت بسبب التكاليف الباهظة.
يعني برأيكم ممكن يصير منتج قابل للتطبيق تجارياً أو ممكن دعمه من قبل تأمين الأسنان ؟! أكيد لا 😀
⛔️ أكيد كلنا ثقة وأمل بأنو الهندسة الحيوية لكامل الأسنان رح تكون ممكنة بالمستقبل القريب
إلا أنها رح تحتاج تكون تنافسية من حيث التكلفة لتكون بمثابة العلاج السريري السائد.
🔰 بالنهاية التطور والعلم عم يأثبتو أنه مافي شي مستحيل…
ومين بيعرف المستقبل شو مخبي كمان !!!
خبرونا رأيكم بالتعليقات.. وتضلوا بخير ❤️
● إعداد : د.رشا هلال.
● التدقيق العلمي: د.ياسمين ذبيان.
● تحرير : د.نوّار أبو حسن.
● المصدر العلمي :https://bit.ly/3AkC6F8
🚩 مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم