طالب طب نيرد حب بنت عم تدرس آداب ، حب يفرد عضلاتو الطبية ويورجيها قديه بيعرف يسح

طالب طب نيرد حب بنت عم تدرس آداب ، حب يفرد عضلاتو الطبية ويورجيها قديه بيعرف يسحب دم ، عزمها عالمخبر وهنيك وبعد كتير من النظرات العاطفية المتبادلة وبلحظة سحب الدم ما بشوف غير أنو حبيبتو بلشت تتعرق ، انخطف لونها ، عم تدوخ وحرارتها عم تطلع ، نظرها عم يزوغ هووب البنت أغمي عليها وصارت عالأرض 🥲

يا حبيبي قومي معقول كل هالقد الحب يعمل فيكِ !
طيب شو أعمل هلق وأنا لسا ما بعرف شو الفرق بين هبوط الضغط وهبوط السكر 🙂💔

يلي صار مع البنت اسمو طبياً الغشي الوعائي المبهمي ما منقدر نحكم هوي بسبب عاطفتها تجاه الشب أو عالأغلب لأنها شافت منظر الدم وخافت منو .

يلي صار معها أنو جهازها العصبي اللاإرادي خبص وبعت تنبيهات غلط لمستقبلاتو بالأوعية الدموية أمرهن يوسعوهن فانخفض ضغط الدم وبطء القلب بضخو الدم للدماغ ولأنو البنت واقفة ونتيجة الجاذبية الأسهل نلم الدم لتحت ونحرم الدماغ أكتر وأكتر .. جاع الدماغ وقف وصار فقدان الوعي المؤقت .. لو الشب كان دارس فيزيولوجيا كان عرف أنقذ الصبية بمجرد أنو يرفع رجليها لفوق ليرجع الدم يضخ لفوق وهيي القصة مو إنقاذ حياة يعني لأنو الحالة عادية وشائعة ما بتخوف لننفي كل الأسباب القلبية والعضوية التانية يلي ممكن تعمل إغماء ✅

هالحالة بتصير لأسباب عصبية أكتر متل عاطفة قوية خوف ألم خسارة ، أو وقت نشوف مشاهد قاسية متل منظر دم للي بخافوا من منظر الدم ، ممكن بسبب ارتفاع الحرارة وممكن بسبب الوقوف لفترات طويلة وكمان يلي بينسى يفطر يتغدى أو يتعشا أو يشتغل فوق طاقتو أو يعمل رياضة قاسية كلن ممكن يصيبهن هالنوع من الإغماء 🤸

ما بدها دوا ولا خوف وقلق بس مننصح يصير الشخص يزيد شرب سوائل ويكتر ملح بالأكل وينتبه لو اجيتوا نفس الأعراض قبل الإغماء من تعرق ، دفء ، غثيان ، دوخة ، زوغان نظر أنو يقعد بسرعة أو يتسطح منشان ما يفقد الوعي .

المهم أنو البنت بعد ما فاقت اكتئبت وحست بالإرهاق والتعب ولعنت الساعة يلي ارتبطت فيها بطالب طب ❤️🥲

كنت معكم سَماح صالح محمد ♥️

المصدر بالتعليقات

كان يا مكان الطب 💙