بعد مابيرجعو الصبايا من المشوار الحلو بيحكو جملتن الشهيرة:
(مالي مروة شيل المكياج ونضف وجهي😂)
لهيك اليوم رح يحكيلكم الميددوز عن طرق صحية و سهلة لإزالة المكياج
(حركات المحارم المعطرة بلاها😉)
1️⃣ منبلش مع الحليب :
الحليب بالإضافة لأنو مزيل مكياج رائع
يرطب البشرة بفضل وجود البروتين والدسم
وايضاً فينا نضفلو ملعقة صغيرة من زيت اللوز ومنمسح فيه الوجه بقطنة او قطعة قماش نضيفة 💆🏻♀️…
2️⃣ الزيوت :
متل زيت الزيتون و زيت الأرغان
و زيت اللوز الحلو
خاصةً للبشرة الحساسة
لأنه غني بفيتامين A, E
بالإضافة لزيت جوز الهند 🥥
(يزيل حتى المكياج يلي ضد المي.. وبيتغلغل بسهولة بالبشرة🤭)
3️⃣عصير الخيار :
نهرس الخيارة وفينا نضفلا ملعقة من اي زيت🙊
الخيار اله خواص مضادة للالتهاب بتخفف تهيج البشرة…
وما خلصنا لسا😇
فينا نعمل خلطات لإزالة المكياج بالبيت..
🔰 نص كاسة زيت زيتون مع قنينة صغيرة ماء الألوفيرا وحتى فينا نحتفظ فيها أسبوع بالبراد…
🔰 ملعقة صغيرة جل الألوفيرا مع ملعقة صغيرة ماء الورد وهاد المزيج مناسب جداً للبشرة الحساسة 🙈
🔰 نص ملعقة شامبو أطفال مع نص ملعقة من أي زيت منخلطن ومنضفلن كاسة مي ومنرجهن منيح
وهيك بيكون جاهز للاستخدام😌
وهلا خبرونا شو استعملتوا لإزالة المكياج واستفدتو عليه🤔
● إعـداد :الصيدلانية سماح كنعان
مــيددوز ~ مصــدرك للمعلومــــات الطبيــــة الموثوقــــة
(ميددوز)