حكينا عن الأبراكسيا واللي بتتسمى عمى الكلام لأنو الشخص بيعرف شو بدو يحكي بس موقادر ينظم كلمته بشكل متسلسل بسبب خلل عصبي بتنظيم الأوامر الدماغية وليس بعضلات النواطق …
أما اليوم منحكي عن 👇
الديثآرثريا (عسر الكلام)
اسما هيك لأنو كمان الشخص بعرف شو بدو يحكي ولكن موقادر بسبب ضعف وخلل بعضلات النواطق فبيكون عضلاتو بارتخاء فبيطلع كلامه ارتعاشي مرتجف عسر مع خلل شامل بأصوات الكلام ..
وبتترافق مع مشاكل بالبلع والصوت بيكون خشن مع بحة ع طبقة وحدة بدون نبر وتنغيم يناسب المعنى الكلامي وضعف بالتنفس وسيلان لعاب بسبب ضعف بمنعكس البلع وعضلات الشفاه واللسان .
🤔 كيف ببلش العلاج بهالدوامة من الأعراض⁉️👇
منركز ع المهارات الفمية الحركية وتحسين عملية التنفس من خلال التنفس البطني الحجابي وزيادة قوة عضلة اللهاة والكفاءة اللهوية البلعومية من خلال تكنيكات النفخ والتصويت المستمر والمتقطع مع
مساج لعضلات النطق وتقوية الشفاع والاطباق الفموي لتحسين الكلام وتخفيف الريالة
محمد ونوس اختصاصي تقويم النطق واللغة ..
(سماعة حكيم)
محمد ونوس