بدنا رأي خبير ورأي مجربين موضوع تبديل محرك البراد لمحرك انفرتر
بعض الفنيين عم ينصحو فيه كتير وخاصة بالشام ولكن هون بحماة 90% من الفنيين رفضوه بشكل قاطع .. ع حد زعمهن مافي جودة ولا اداء صحيح لاختلاف باقي الاجزاء بالبراد ومامعروف عمرو حتى الان و 10% الباقي قالو منبدلك المحرك والغاز مع التنضيف فقط ومافي داعي لتبديل اي شي تاني ( متل البخاخ (الماسورة الشعرية ))
وبصراحة المنظومة الشمسية عندي صغيرة عبارة عن لوحين 170 واط ومافي امكانية حاليا لشراء منظومة كبيرة
فياريت حدا ينصحنا بمعلومات اكيدة وليست نظرية عن هالموضوع نبدل ولا لا؟
وشو رأيكم بماركة هالمحرك اللي بالصورة ( باللصاقة الخضراء )
برادي هاي لايف 25 قدم تبريد عادي
وشكرا سلفا
اذا برادك قديم قبل 6 سنين وما قبل
لا تبدل واللي بيقلك بيتبدل مابيهمو غير يقبض منك ويمشي
اذا براد حديث ممكن حسب الموديل
اذا في الو شركه اسألهن احسن
انا عندي براد الحافظ محرك انفيرتر
بس اساسي من الشركة مو معدل
كتير ممتاز واداؤه جيد جدا
بقى ما بعرف اش الوضع بالتعديل
متابع
براي اذا بدو يكلفك مليون كبر مجموعة ازبطلك
اذا براد قديم ماتغير شي كبرها شوي
نفس التساؤل
متابع
ياخاي ضغوط البخاخ الماسورة الشعرية لغاز ١٢ الي هي بالبرادات السورية بيختلف اخلتلافا تاما عن ضغط بخاخ محرك يعمل بغاز ٦٠٠ يعني اذا بتحط ضاغط انفرتر يعمل بغاز ٦٠٠ مكان ضاغط براد سوري يعمل بغاز ١٢ رح يخف الاداء جدا بالنسبة للتبريد غير ذلك هاد المحرك صعب يتحمل براد سوري من ٢١ قدم ومافوق يعني عمر المحرك رح يكون قصير واداء التبريد ضعيف حتى كوندونسر البراد السوري بيجي كبير لان بيستقبل غاز ضغوطه دبل بالنسبة لكوندونسر براد بيعمل بغاز ٦٠٠ بهالحالة البراد رح ياخد نسبة كبيرة من الغاز وهاد كله اله سلبيات على المحرك الجديد علما باانه برادات الي بتعمل بغاز ٦٠٠ مابتاخد اكتر من ٩٠ غرام غاز والضاغط هاد القدر الي ممكن يتقبلو
أخي بتكلفة تبديل المحرك بتجيب لوحين زيادة و بتحل أمورك
مهتم
متابع
.
بدلتو وندمت
برادي ٢١ قدم خف التبريد للنص
رجعت كبيت الغاز وبدلت الماسوره الشعريه
ما تحمل الموتور الضغط صار عالي
بالاخير رجعت محركي القديم
محرك الانفرتر للبيع يلي الو مصلحه
مركب اسبوع وفكيتو
صديقي البراد الانفيرتر تصميمه بشتغل ع محرك انفيرتر.والبراد العادي نفس الشي التصميم. مهم جدا…غير ذالك الامور تجاريه لا اكثر