عندي بطارية 50 امبير سائل ماليزية اشتريتها من سنتين
نقص السائل تبعها من حوالي السنة و عبيتها اسيد
كمان من كم شهر لاحظت انو نقص السائل كمان عبيتها اسيد
من جديد ساء وضع الكهربا ف حطيتها عالشحن لمدة 6 ساعات ونص متواصل بمكان في كهربا
لاحظت انه البطارية حرارتها صارت نار وضليت بردها حوالي الساعه قبل ما استخدمها ( مع العلم انها ما فللت شحن بهالست ساعات )
(( بشحنها بواسطة شاحن سمارت شانجر 10 امبير ))
قراءة الشاحن بتعطيني انه الجهد أثناء الشحن 14.7 والجهد أثناء الاستخدام 12.5 و 12.6
استخدامي للبطارية عادي جداً وبحاول ما اجهدها ولحد هلا ما فرق اداءها بس اول مرة تسخن حرارتها هيك ! وما عندي فكرة اذا لازم حطلها ماء مقطر بدال الاسيد او لأ !
واذا صح التعبير بعد تخبيصاتي بالأسيد .. كيف لازم اتصرف حتى عادل النسبة وضيف ماء مقطر ! بحيث حافط عالبطارية و اضمن سلامتها
و آسف على الإطالة
