عندي سيارة نقل سوزوكي بدي طريقة بسيطة لتحويلها لسيارة شحن بتحمل 20 طن .
.
سؤال آخر :
بدي بيع السوزوكي و بسعرها اشتري مرسيدس تكون مستعملة استعمال خفيف و نضيفة و بنور الله.
.
سؤال ثالث:
أنا مبتدئ بالسيارات و بدي مساعدة … إذا حطيت أربع دواليب مع كبين و دركسيون و زمور… بيصير عندي سيارة سوزوكي ؟ و كيف بدي اجمعهم و خليها تمشي ؟ و هل ضروري وجود دعسة البنزين و الفوتيس و للا فيني الغيهم ؟
.
سؤال رابع:
عندي سيارة سوزوكي موديل 1976 و موتورها تعبان ..فيني بدل الموتور بموتور كهربا و ركبلها بطاريات و ساويها سيارة تسلا ؟
.
سؤال خامس:
بدي اخترع سيارة ذاتية القيادة بتشبه سيارة تسلا مع ربط بنظام GPS ..حدا عنده دارة بسيطة و مفهومة و بقدر طبقها بإيدي ، مع العلم اني بدي اشتغل عليها بالنقليات متل السوزوكي.
.
سؤال سادس:
أريد أن احترف إصلاح كل أنواع سيارات السوزوكي و كل مشاكلها في اسبوع… كيف يمكنني ذلك ؟
عرض…
الآن انقل بضاعتك و فرش بيتك و بلدوزر و مدحلة و حمولة لغاية 15 طن مع سيارة سوزوكي للنقليات و بسعر منافس ..
هدية مع العرض منفاخ بسكليتة ينفخ دواليب سيارة شحن
للاستعلام الاتصال على الرقم صفر صفر حمر حمر خضر خضر.
.
هذا نموذج من الأسئلة المطروحة في مجموعات الالكترونيات و لكن بطريقة السوزوكي
م.منذر سالم
السوال الرابع: اي بتقدر
هههههههههه الله يسعدك
الجواب الاول … اربط السوزوكي عالباب وقدملها اكل وشرب وزيت وبنزين واتركها عدة سنوات حتى تكبر
تشبيه بليغ . يسعد صباحك استاذنا