يعطيكم العافية جميعاً
عندي دارة رفع جهد 250W 10A اللي لونها أبيض عم استخدمها لتشغيل لابتوبي من بطارية ١٢ فولط، بس في شغلة كانت عم تدايقني وخفت لاتأثر عاللابتوب أنه حرارتها عم ترتفع كتير بعد ساعة وأحياناً أقل من تشغيل اللابتوب عليها فحطيت مروحة صغيرة بتشتغل عال١٢ فولط مقابلها بالعلبة نفسها اللي حاططها فيها فصارت أمورها تمام وماعاد في حرارة تذكر.
هلأ ومع العلم إني بشغل اللابتوب لفترة طويلة بتوصل ل٦ او اكتر بشكل متواصل أحياناً فعندي كم سؤال:
١- هل هاد الشي بكفي لتبريدها (مروحة بنفس العلبة) ولا لازم كنت ساوي شي تاني لتبريدها؟ ولا جيب بدالها الدارة اللي لونها أحمر بما إنه محطوط عليها مبردات مع العلم إنها 150W 6A (وهي بتكفي لتشغيل لابتوبي)؟
٢- وسؤال عام عن هيك دارات في حال نزل فولط البطارية كتير فالدارة بتوقف عن العمل ولا بتبقى شغالة وممكن ينزل فولط الخرج عن ال٢٠ فولط اللي لازملي لتشغيل اللابتوب ويأثر عاللابتوب؟
٣- وهيك دارات ممكن تتعطل وتأثر عاللابتوب، وشو النصائح لحتى ما توصل لهالشي؟
هامش: من جديد بدأت باستخدام هي الدارة لأن لقيتها أنسب من استخدام الانفرتر لتشغيل اللابتوب نظراً لإنه البطارية بتصير بتخدمني لفترة أطول بتشغيل اللابتوب.
