جمالٌ و تجميل👑
هاندا .. البنت اللي نص صبايا الوطن العربي حاطين صورتها بروفايل 🌸، طبعاً هاندا من أجمل الوجوه بالعالم ..ولا شك بأنها فاتنة «حدا عندو اعتراض🤔!!» ..
بس 🖐 ..حدا بيذكر هاندا من خمس سنين وهاندا حالياً .. نزلو ع الصورة وتعو نحكي الاختلاف..«ناطرتكن»
يفترض يكون واضح عند الكل الفرق بالخدود ..كانت قبل مليانة وبعدين راحو الخدود .. تصريح هاندا كان أنو الفرق بسبب نقص الوزن .. لكن البعض قال أنها أجرت عملية إزالة دهون الخد .. طيب وشو هالعملية؟
~هي نوع من الجراحة التجميلية ،لتقليل عرض الخدود.. تُعرف أيضًا باسم استئصال الشحم الشدقي أو جراحة تصغير الخد ،مما يخفف حجم وعرض الخدين ويحدد زوايا الوجه.
و هي العملية تصنف من عمليات «تأنيث الوجه»مع أنو ما فهمت وين الأنوثة (قبل كانت أحلى وملامح طفولية بريئة شو رأيكن؟🤔)…
الأهم نعرف أنو ع الحالتين ومع التقدم بالعمر حجم الخدود ودهون الخد بتقل، لهيك ممكن تسبب هالعملية شيخوخة مبكرة
وكمان لازم نعرف أنو مو كل البنات بيلبقلهن إزالة دهن الخد .. استشيروا جراح التجميل هوي أدرى«لا تتنحي وبدك متل هاندا.. احتمال كبير ما يلبقلك »
العملية بسيطة بتتم بسهولة تحت تأثير تخدير موضعي .. مراحلها شق بالخد⬅ضغط على الجزء الخارجي من خدك لكشف المزيد من الدهون⬅ قص وإزالة الدهون⬅إغلاق الجرح بقطب تجميلية .. وما كتير مؤلمة ..بتظهر نتائجها والشفاء التام بعد 3 أسابيع…
ومتل كل العمليات الجراحية ، هناك خطر حدوث مضاعفات ولكنها نادرة جداً متل مشاكل بالغدد اللعابية أو ألم أو عدم تناسق الوجه«ساعتها انبسطي بما اقترفت يداك🙍عدّي للعشرة»…
🌸الله جميل يحب الجمال .. أهم شي القناعة أنو الله خلقك بأحسن صورة وتقويم .. لا تبالغوا في استنساخ معالمكم🌸
تضلو بخير… 💞
▪️إعــداد: د. آيــة معــن محمـود
▪️المــصدر العلمي: https://www.healthline.com/health/all-about-buccal-fat-removal-for-thinner-cheeks
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم