عنـدك بيـبي صغيـر بالبيـت أو حـدا من اخواتـك او رفقاتك جاييـه بيـبي عالطريـق!! 😍
منشنوا بسرعة لكل الماميات ♥️
تعالو كـأهل خلينا مع بعض نعرف شو لازم نعمل حتى نحافظ على ٲسنان البيبي حلوة وبيضة ومافيها تسوس ٲو وجع :
1️⃣ ما تعودي الطفل انو ينام و زجاجة الرضاعة بفمه
وإذا كانت الرضاعة طبيعية فحاولي ما تعوديه على الرضاعة بالليل… وحاولي تفطميه بعمر بالسنة ونص.
2️⃣ دربي طفلك يستخدم الكاسة مع مصاصة للشرب، جيبيلو وحدة وخليه يتعود عليها.
3️⃣ العصير المحلى اللي بيجي جاهز من المحلات بلاه 😣
4️⃣ بلشي تنظيف ٲسنان الطفل :
●» مع بزوغ أوّل سن –> بلشي بقطعة قماش نضيفة ومرقيها بإيدك عالسن.
●» وبس يصير عمرو سنة –> جيبيله فرشاة اسنان وفرشيله انتي اسنانه مع كمية معجون بمقدار حبة الرز.
●» صار عمرو سنتين –> زيدي كمية المعجون لحجم حبة الحمص وخليكي انتي اللي عم تفرشيلو مو هو…
●» صار أكبر من ٦ سنين –> علميه يمسك فرشاية الأسنان وينظف أسنانه لحاله تحت إشرافك.
5️⃣ زوري طبيب الاسنان بعمر السنة او بعد ما يبزغ اول سن ب ٦ شهور.
6️⃣ اياكي وضع المربى او العسل على اللهاية.
7️⃣ ما تخليه يشارك بأدوات الأكل مع حدا وما تجربي الأكل من ملعتقه الخاصة. 😁
8️⃣ استخدمي معجون الاسنان الحاوي على نسبة فلور محدودة للأطفال بتلاقيه متوفر بالصيدليات.
وهيك سنونات البيبي بكونو حلوين ونضاف وما بصير فيهون اي وجع؛ وما تنسي انو صحتو وصحة اسنانو بتبلش معاكي وبوعيك 😌♥️.
● إعداد وتحرير :د. عشتار نعامه.
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم