قاعد ع كرسي دكتور الأسنان عم تضحااك وتضحك،
وعم تعالج أسنانك بلا أيّ خوف أو ألم 😌
وطلعت من العيادة بكل فرح وسرور 😂
هالمشهد يلي من الأحلام صار حقيقة مع غاز الضحك.
⛔ شو هوي هالغاز و شو طريقة استخدامو يا ترى ؟!
هو غاز أوكسيد النايتروس N2O، بتم تطبيقه مع غاز الأوكسجين O2 عبر تقنية “التركين الاستنشاقي”.
⚠️ شو هي “تركين استنشاقي” كمان ⁉️
هي تقنية تركين واعٍ آمنة وفعالة من اجل التدبير السلوكي (يعني عند الناس الخويفة)،
وبتتميز عن التخدير العام بإنو المريض بيستجيب للتعليمات الشفوية، أما بالعام ما بكون المريض مستيقظ أبداً.
⛔️ يلا نتعرف على استخداماته :
▪️ الأطفال الغير متعاونين بشكل أساسي.
▪️ ذوي الاحتياجات الخاصة (ممكن المشاركة بين تركين استنشاقي ووريدي).
▪️ مرضى الصرع، السكري أو الذين يعانون من الأمراض الكبدية.
⛔ لا يمكن استخدامه عند أشخاص لديهم :
▪️ مشاكل سلوكية شديدة، خوف من الغاز أو الأماكن المغلقة.
▪️ انتانات الطرق التنفسية العلوية المزمنة :
(النفاخ الرئوي، الزكام، التهاب الجيوب الأنفية والسل).
▪️ المرأة الحامل عدا الثلث الثاني من الحمل.
⛔️ لكن واجبنا نخبركم بآثاره الجانبية يلي بتضر الطبيب قبل المريض :
⚠️ على المريض :
ممكن يصير إقياء، غثيان، تعرق، ارتعاش بالتراكيز فوق 50% .
⚠️ على الطبيب:
في حال تم استخدامه بالتراكيز المناسبة لا خوف من تأثيراته السامّة.
🔰لكن التعرّض المزمن للغاز (أكثر من 3 مرات بالأسبوع) ممكن أن يؤدي بمرور الوقت لـ :
تسمم عصبي، عقم، سمية كبدية.
هالغاز اللطيف نجح بتحقيق معالجات جيدة ومريحة،
إذا إلكم تجربة سابقة مع هالغاز خبرونا ياها وتضلوا بخير ♥️
مسابقة ميددوز
● إعداد: د. سامر عساف
● المصدر العلمي : https://bit.ly/33BW0gg
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم