معلومة على السريع
النهاردة مع أخر بوست من سلسلة HTML5 Notes، اللي بالمناسبة هتلاقي كل البوستات تحت نفس الهاشتاج ده عشان لو حبيت توصلهم بعدين، هنتكلم عن الـARIA وأهميتها لموقعك، وصدقني ده يعتبر من أهم المواضيع اللي بتفرق ما بين اللي بيكتب كود وخلاص، واللي بيكتب كود يخدم احتياجاته
اتكلمنا في كذا بوست قبل كدة عن الـSemantic HTML، وزي ما عندنا عناصر Semantic زي الـNav والـHeader والـArticle، في عناصر مش متاحة كـElements نقدر نستخدمها في الصفحة بسهولة، وساعتها أي حد بيستخدم Screen Reader بسبب مشاكل في النظر، هيواجه صعوبة كبيرة في استخدام موقعك
والحل هنا ببساطة في الـARIA، ودي إختصار لـAccessible Rich Internet Applications، مش مهم أوي الإسم قد ما مهم نعرف هي بتقدملنا ايه بالظبط
الـARIA بتقدملنا الـRole Attribute او الـAria-* Attributes، اللي نقدر من خلالها نحدد العنصر ده عبارة عن إيه بالظبط، سواء Menu Item، أو Link، أو مجرد تصميم للـVisuals ومش محتاجين الـScreen Reader يقرأه، زي ما شايفين في الصورة على سبيل المثال
وطبعًا الـARIA مش مخصصة للـSemantic Elements، يعني الـNav Element ماينفعش تستخدم معاه الـARIA Attributes، لأن ده غير منطقي، الـARIA بتعوض غياب الـSemantic Elements فـ إزاي تضيف الشيء والبديل عنه؟ مايجتمعوش مع بعض 😄
عارف إن البوست قصير النهاردة ومليان مصطلحات كتير، لو حسيت إنه صعب هتلاقي لينك لفيديو في أول كومنت بيشرح الـARIA بشكل مبسط ولطيف، وبس كدة، ده الموضوع ببساطة
وكدة نبقى خلصنا الـHTML5 Notes، وهنبدأ نشتغل في الـCSS3 بإذن الله، فـ متنساش لو مهتم تعمل لايك للصفحة عشان مايفوتكش البوستات أول ما تنزل، سلام.
الجينيص
الجنيص