تشيك، ألف مبروك الصورة اتصورت، بس خد هنا، تعرف ايه اللي حصل جوة الكاميرا؟
أهلًا بيك في سلسلة جديدة عن ما يخفيه زرار الشاتر
وببساطة هشرحلك أغلب المفاهيم المتعلقة بالتصوير، بحيث إنك تبقى فاهم الألة اللي في إيدك شغالة ازاي وتقدر تظبطها على احتياجاتك بالظبط
والنهاردة بإذن الله هنتكلم عن “فتحة العدسة” أو الـ”Apreture”
الكاميرات في الطبيعي بتبقى عبارة عن Body جواه Sensor او مستشعر، المستشعر ده هو اللي بيلقتط الصورة على مراحل ويبدأ انه يلونها بيكسل بيكسل أو على حسب الطريقة اللي السينسور بيشتغل بيها عامةً
ولكن في جزء أهم بقى وهو الـLens أو العدسة اللي برة، اللي بتقدر إنها تتحكم في الضوء اللي يخش والجزء اللي السينسور هيقدر يشوفه، تقدر تتحكم في الـFocus والـBlur اللي بيحصل، وده بقى اللي بيختلف من عدسة للتانية
طبعًا في الموبايلات الكلام ده موجود برضه ولكن بأحجام صغيرة نسبيًا بالنسبة للي بنشوفه في الكاميرات الكبيرة مثلًا
العدسة دي بتبقى عبارة عن ازاز مقعر أو محدب بشكل معين، بحيث إنه يستقبل الصورة ويعديها للناحية التانية بخصائص مختلفة
وكل ما كانت الفتحة بتاعة العدسة أضيق (يعني الـF جمبها رقم كبير) كل ما الضوء اللي بيخش للعدسة بيبقى أقل، وبتحتاج العدسة تتعرض لمصدر ضوء أعلى أو لنفس مصدر الضوء لفترة أطول عشان تقدر تكون الصورة بشكل سليم، ولكن في المقابل بيحصل Blur على الأجزاء الخلفية وبتبقى معزولة بشكل طبيعي، والـFocus كله بيروح على الشيء اللي انت بتصوره
وكل ما فتحة العدسة تبقى أوسع (يعني الـF جمبها رقم صغير)، كل ما الضوء اللي بيخش للعدسة بيكون أكتر، فـ الصورة تظهر فيها تفاصيل أكتر وتكون Sharp (حادة) بشكل كبير، ولكن في المقابل الأجزاء الخلفية في الصورة بتبقى ظاهرة بشكل واضح
طبعًا مفيش واحدة منهم مالهاش لازمة، كل عدسة بيبقى ليها استخدام معين، يعني في الـPortrait مثلًا انت بتحتاج فتحة عدسة ضيقة عشان الشخص يطلع معزول عن الخلفية اللي وراه، أما في الصور الطبيعية مثلًا أو تصوير المنتجات اللي بيبقى وراها خلفية عاوزها تبان، بتحتاج فتحة عدسة واسعة وهكذا
بس كدة، الجزء الأول خلص، لو عجبك البوست متنساش تعمل لايك وتتابعني لو حابب تشوف باقي السلسلة أول ما تنزل، ولو عجبك المحتوى أكتر بقى متنساش تعمل شير لأصحابك، أنا الجينيص وده كان الموضوع ببساطة.
ملحوظة سريعة : أنا هنا بتكلم عن فتحة العدسة مع افتراض ثبوت باقي العوامل، ويكأن الطول البؤري مش موجود معانا في الحسبان، إلا صحيح ايه الطول البؤري ده؟
الجينيص
الجينيص