فمك مرآة تعكس صحّة جسدك وأجهزته، فحص دقيق للحفرة الفموية قادر يكشف خبايا كثيرة وممكن ينقذ حياتك كمان ❗️❗️
⛔️ طيب بتعرف إنو تمك ممكن يكشف إصابتك بإحدى اضطرابات فقر الدم كمان ؟!
وكيف لو تعرف إنو الأعراض الفموية ممكن تكون العرض السريري الأول يلي بنبه الطبيب لوجود هالمرض ؟!!
⛔️ لهيك خلينا نتعرف عالتأثيرات الفموية لأهم الاضطرابات الدموية عنا :
⚠️ فقر الدم الخبيث /نقص فيتامين B12:
⬅️ بيتظاهر فموياً بـ :
حس حرقة في الشفتين والغشاء المخاطي واللسان، قد يصبح اللسان والغشاء المخاطي أملساً (ضمور)،
أو قد نرى بقع حمامية حمراء.
وممكن نعاني من قلاعات وتقرحات وعسر بلع وتغير بالذوق.
⚠️ فقر الدم اللاتنسجي :
⬅️ فموياً منشوف :
أورام دموية مخاطية بالمخاطية الفموية و بقع فرفرية (نزوف تحت الغشاء المخاطي)، نزف اللثة، آفات تقرحية بالفم والبلعوم.
⚠️ فقر الدم بـ عوز الحديد:
⬅️ تظاهراته الفموية:
التهاب وألم باللسان، التهاب شفة زاوي، التهاب الغشاء المخاطي الحمامي، فطور المبيضات البيض الفموية، قرحات متكررة، و حس حرقة بالفم.
⚠️ متلازمة بلامر فينسون:
(تعرف أيضاَ باسم متلازمة باترسون-براون-كيلي، وتتميز بفقر الدم بعوز الحديد).
⬅️ و بتتظاهر بـ:
التهاب اللسان الضموري، التهاب شفة زاوي، تقرحات في البلعوم والمري بينتج عنها»» عسر بلع.
⚠️ فقر الدم المنجلي:
⬅️ فموياً هو :
نمط معترض من نقص التمعدن المينائي، أقنية متكلسة، دياستيما، زيادة بمقدار التغطية والبروز بين الفكين،
وممكن نشعر بتنميل بالعصب الذقني والعصب السنخي السفلي وتموت لا عرَضي للّب،
و التهاب العظم والنقي من مضاعفاته كمان.
⚠️ التلاسيميا:
وفينا نقول “مظهر وجه السنجاب” 🦫 !
طيب ليش هالتنمّر ؟! شغل خيالك لتعرف السبب علمياً :
⬅️ لإنو بيتظاهر فموياً بفرط نمو للفكين وزيادة ببروز عظام الوجنتين إضافة لأنف غائر وميلان الأسنان الأمامية العلوية نحو الخارج.
اتخيلتوهم ؟!!
كونوا واعيين لصحتكم ودمتم بخير ♥️
● إعداد وتحرير : د.نـوّار أبو حسـن
● المصدر العلمي : https://bit.ly/3uE68RP
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم