فوائد الكِمامة

“دقني عم تنتزع من الكمامة وما عم اقدر اجذب الصبايا فيها😅، غير انو صارت عم تخنقني بدرجات الحرارة العالية

جملة عم نسمعها كتير خلال الفترة الحالية من تفشي
و.با.ء كو.ر.ونا…

ف تعالوا نحكي عن فوائد الكِمامة لمو عاجبتكم… 😌

🔰 مهم كتير انو نحمي أنفسنا والاخرين عن طريق ارتداء كمامة خصوصاً بالأماكن العامة اللي من المحتمل أن نصبح فيها على اتصال مع الاخرين أو لما نكون بأماكن مغلقة مشتركة مع الاخرين (مثل الصف أو محل السوبرماركت)

☝🏻 لكن ارتداء الكمامة لفترة طويلة شو ممكن ينتج عنه ؟!

الكِمامة سيف ذو حدين والاستخدام غير الصحيح الها رح ينتج عنو سلبيات رح نحكي الجزء الفموي منها:

⛔️ Mask Mouth: هو مجموعة من الأعراض الجانبية لارتداء الكمامة لفترة طويلة، يلي ممكن تتضمن (جفاف الفم، النفس الكريه، نخور الأسنان وحتى التهابات اللثة) . 😷

⛔️ طب شو أسباب هالحالة ؟🧐
إذا كنت بتعاني من “mask mouth”، من المحتمل وجود عدم توازن بالجراثيم ضمن فمك.

يعني ارتداء الكمامة، بالإضافة لعوامل أخرى مثل: عدم شرب كمية كافية من الماء، استهلاك كمية كبيرة من السكر، و/أو شرب الكثير من المشروبات الحمضية متل القهوة رح يغذي الجراثيم الموجودة ضمن فمك.

⛔️ طيب كيف بقدر احمي حالي من mask mouth حتى حافظ عالرئتين من الكو.ر.ونا وبنفس الوقت ما سبب اذى لأسناني؟

أكثر الطرق فعالية للوقاية من mask mouth هي:

⚠️ الحفاظ على عادات فموية صحية جيدة: متل تفريش الأسنان واللسان مرتين باليوم والتنظيف بين الأسنان باستخدام الخيط مرة وحدة باليوم، مع الانتظار نصف ساعة
بعد تناول الطعام لنفرشي أسناننا حتى ما نأذي طبقة الميناء من السن.

⚠️ تناول طعام وشراب صحيين: نظام غذائي متوازن وصحي جيد لصحتك العامة والسنية. نحاول نشرب كمية كافية من الماء مع التقليل من شرب الكحول والدخان والمشروبات السكرية.

⚠️ غسول الفم: كجزء من روتينك الصباحي للحفاظ على صحتك الفموية وقبل أن تضع كمامتك. تمضمض بغسول الفم مرة واحدة يومياً. ولكن دائماً استخدم غسول فم لا يحوي الكحول لأنه من الممكن ان يجفف ويؤذي النسج الحساسة.

🔰 ودائماً خلي طبيب الأسنان صديق الك و اعمل زيارة دورية حتى تبقى محافظ على جمالك و صحتك الفموية ♥️

● إعداد : د.سليمان عيسى
● تحرير : د.علي محمد سقر
● المصدر العلمي : جمعية طب الأسنان الكندية https://bit.ly/2Oon8vt

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم