قَـتلـــت طفلهـــا بـالتُفـــاح ! بهي اللحظـة ؛ و نحنا ع

🔴 » قَـتلـــت طفلهـــا بـالتُفـــاح !

بهي اللحظـة ؛ و نحنا عم نكتب هاد المنشور واقفين أمام فاجعـة بغـرفـة العنـايـة المُشـددة ..

طفل مُنبب عم يصارع المـوت .. أم مفجوعـة و أب عم يصـرخ عليها ” إذا بصير على هالولد شي و الله خطـاي وخطـاه برقبتك ”

الطفـل محمـد يلي عمره 13 سنة للأسف مُصاب بسـرطـان الـدم .. لكن يبدو أنو السرطان الحقيقي هو الجهــل !

أحد المُدجليـن و ” مُدعـي الديـن و العِلـم ” طلب من والدته يلي فضلته على الأطباء المُعالجين بأنها تطعميه 100 بـذرة تفـاح مُقشـرة مع كاستيـن كبـار من مـاء قاري عليهم بنية شفــاء محمد ..

ليوصـل محمـد لعنا بعد ساعات قليلة بغيبوبـة ؛ مع فشـل متتالي بالوظائـف الحيويـة .. و المحاولات لحد الآن مستمرة لإنقـاذه ..

محمد تعرض لتســمم حــاد بسبب تناول بذور التفاح المُقشر ؛ يلي كانت بتجهل إنها قاتلــة بعد ما أقنعها المُدجل بأنو فيها مادة رح تشفي إبنها من السرطان خلال شهر !!

لكن الحقيقة أنو بذور التفاح بتحتوي على مادة الأميغداليــن يلي بتتحول لسيــانيد الهيـدروجيـن السام بمجرد تلامسها مع أنزيمـات الجهـاز الهضمـي !

و بمجرد تحـرر السيانيـد ؛ رح ينتقل للـدم و يمنع الكريات الحمر من إنها تنقل الأوكسجيــن للأعضاء بشكل كافِ .. و يبدأ الجسم ينهار تحديداً لما تكون الكمية المتناولة كبيـرة و صعب الجسم يتخلص منها ..

100 حبـة هي قاتلـة بالنسبة لعمـر و وزن محمد .. و للأسـف الأمر متروك لإرادة و لطف رب العالمين بعد ما عملنا كلشي ممكن ينعمل ..

خمــس سنيــن ونحنا عم نحارب ” الجهــل الطبــي ” بكل الطُرق لكن على ما يبدو أن الطريق طـويــل ..

و المشهد يلي أمامنا كافِ لنبكي سنين لقدام ..
مرة تانية و لنفس السبب يلي تأسست كرمالـه منظمــة مــيددوز الطبيــة .. في طفل عم يمـوت بسبب قلـة الوعـي و الثقافـة الطبيـة ..

لكن هالمرة منوعدكم نحاسـب المســؤول .. و بالقانــون

و لحينها ؛ ادعــوا للطفل الله يتلطـف فيـه و تتحق معجـزة يقـوم فيها بخيـر و سلامـة من المـوت ..

مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)