كانت الساعة ١١ بالليل كانت دنية برد وأبي تأخر وقتا وما رج

كانت الساعة ١١ بالليل

كانت دنية برد وأبي تأخر وقتا وما رجع ..

أمي كانت معصبة كتير وأفكار عم تاخدا وتجيبا بسبب خلافات وتوترات بينها وبين أبي بالفترة الأخيرة.

رجع أبي عالبيت وبلشت الملاسنة والصراخ يعلو البيت بينهم حتى سمعت أبي عم يصرخ ويقول لأمي: انتي طالق طالق طالق …

طلعت أمي لبيت ستي وأنا طلعت معها.. بعد ب٣ تيام بلشت أمي تحس بوجع بصدرا .. تقلي يا بنتي حاسة تقل على صدري لحد ما نزلتها عالإسعاف..
بالإسعاف: شافها الطبيب وفحصها .. قال بدنا نعمل تخطيط قلب وخمائر قلبية..

تخطيط القلب كان بيعطي انطباع لأنو عندا جلطة قلبية والخمائر القلبية كانت مرتفعة عند ماما 😔😔

قال الدكتور لازم قثطرة بسرعة 😢

دخلت ماما عالقثطرة وإذ منتفاجئ بإنو مافي ولا شريان مسكر ومافي أي جلطة 😦

بعدين طلعوا الأطباء وسألوني أنو صاير شي زاعج أمك هالفترة؟ قلتلهم اي تطلقت من يومين😔

وقتا عرفت المرض الجديد لي تشخص لماما: القلب المكسور.

هاد المرض تشخص أول مرة باليابان بعام ٢٠٠٦ واسمو تناذر تاكوتسوبو وينجم عن زعل شديد يؤدي لانكسار حقيقي بالقلب وضعف شديد وتموت بقمة القلب.

طالبة طب يللي حكتلي هالقصة وما كانت بتعرف هالمرض

رجاءً ننتبه لحالنا منيح لأنو الزعل ممكن يكسر القلب عنجد ..

د. سومر شلبي Somar Shalaby.

(سماعة حكيم)