كتبت المدرسة هيام صبحي
عزيزتي المعلمة عزيزي المعلم تحية طيبة شكرا لجهودكم في تعليم أبناءنا في ظل الرواتب التي لاتسمى راتب شهر المفروض تكون راتب يوم ولكن انا أم وموظفه أتقاضى راتب قريب لرواتبكم بدي أسألكم سؤال عن طريق صفحتكم الكريمة شو شعورك وقت تتجاهلي تعب طالب وتعب امه كل السنة معه بالمتابعة وتجيبي سؤال مو مناسب لعمره على اساس سؤال للطالب المتميز هاد الأسلوب مع الشهادات تعودنا يجي سؤال نكشه بالعاميه تحدي للطالب الي داخل ع الفحص ليأخذ العلامة الكاملة ولكن شو شعورك وقت تنقلي اولاد وبنات زملائك وتتجاهلي باقي الطلاب انتي ضميرك هيك مرتاح عم تتخيلي كمية القهر للأم والطالب وقت يسمع بهيك تمييز وهيك أسلوب مابكفي العام الدراسي وأيام الدوام كل سنة عم تتقلص وعم يروح وقت على ولادنا ياخدو فيه لكل درس حقه انتي عم تأسسي أجيال ومحاسبه أمام الله عن كل دقيقة ضيعتيها على ولادنا محاسبة أمام الله عن التمييز بالمعاملة بين الطلاب هاد امه آنسة وهاد ابوه مدعوم وهاد وهاد …. بدك تقولي راتبك عن شهر عم تصرفيه بيوم انا معك بس مو ذنبي ولا ذنب ابني تركي مهنة التدريس أحسن ما تعطي بدون أمانة حقك تركي الوظيفة ومابدك هل مية الف طبخة ليوم واحد احسن ماتعطي وتطرقينا منية وتبهدلينا وقت نجي نعاتبك بتقصير ورد منك انا كأم مو ذنبي راتبك ولا ذنب ابني ولا ذنبك لهيك بقلك تركي الوظيفة احسن من أسلوب الأعطاء بدون ضمير وتذكري انه انتي محاسبة أمام الله عن هل شي بتمنى سنة الجاي تكون امور مدارسنا أفضل ووضع معلمينا أريح نفسيا وماديا واجتماعيا ويعطو اودلادنا بحب وصدق وأمانة وخوف من الله
وكل عام وانتم بخير جميعا
