كتبت المعلمة لجين حمدان
في فكرة كتير مهمة حابة نوه عنا بخصوص الطلاب والمنهاج الكبير ويلي عم يتكدس بعقل الطفل قبل مايكون عم يفيدو
بالبرنامج في حصص كتير ومن ضمنا حصة الوجداني يلي بلا طعمة ولحد هلا مالا وجود ولا مغزى بكتير مدارس..والفرصة يلي وقتا قصير الطفل مابيلحق ياكل فيها ولا ياخد حقو من اللعب..يعني بالمختصر معاناة اكتر من فائدة وتعب وارهاق لعقل الطفل يلي هو المفروض صفحة بيضا قابلة لنعبيها شي مفيد يصنع منو فرد صالح بالمجتمع
وباعتبار نحنا عم نسعى لاسلوب التعلم باللعب مع مرحلة التعليم الاساسي يلي هي اهم مرحلة بعمر التلميذ..
في شي اسمو ألعاب ذكاء ويلي هيي بتعمل على تمرين عقل الطفل وممتعة بنفس الوقت ياريت تاخد حقا بحصة كاملة كرمال مانقضي على الأطفال ويضل في حب للمدرسة والتعليم ويصير في متعة اكتر بدل ماتكون عبء على الاهل والطفل
حتى بتمنى من الاهل بالبيت يحاولو مع ولادن فيها ورح يلاقوا نتيجة كتير حلوة —-
.
