كلام حول ترتيب الحوار للصف التاسع
مع مدام مها
اكتر سؤال بيخلي الطلاب يتلبكوا بالفحص هو ترتيب الحوار خاصة انو الترتيب عم يجي خمس جمل مع الاسف يعني اذا شخصين عم يحكوا مع بعض رح يضل في جملة ضايعة بين التنين وألله بس واللي حط الأسئلة بيعرف هي لمين للاول ولا للتاني?
بالأول ولا بالنص ولا بالأخير?
عجب هي جملة مفتاحية ولا مغلاقية ولا اوبن اند مفتوحة متل الافلام?
عادةً ترتيب الحوار بيكون لعبة مسلية بيتسابقوا الطلاب على اكتشاف ترتيبها وبيوجدوا متعة في اكتشاف تسلسل جملها من خلال معرفة نمط السؤال وجوابه
Est-ce que ? Oui, non..
Pourquoi ? Parce que.., car
Depuis quand ? Depuis…
Quand? Une date …
Combien ? Une quantité…
Où? Lieu
هل? نعم او لا…
لماذا? لأن…
منذ متى ? منذ…..
متى ? في زمن او تاريخ ..
كم? في عدد او كمية …
أين ؟ مكان
هيك عادةً وليش نحنا عنا الحوار بعبع ماحدا بيعرف
على كل حال اللي بنصح فيه هو بعد قراءة جمل الحوار تلات مرات:
عزل الأسئلة عن الاجوبة
وأكيد منعرف نميز السؤال ، هاد اللي بآخره في اشارة استفهام
ربط كل سؤال بجوابه
وهالجملة الاخيرة البحث داخل مفرداتها عسى الاقي كلمة فيها ترشدني لمكانها
ولازم يكون في كلمة بكل جواب توديني او تكشفلي سؤاله
واللي بيساعد ايضا هو الضمائر انت وانا يعني بين ال je وال tu
بس شوية ملاحظة ومحاكمة وذكاء ومنكتشف اللغز وهالشي طبعا بعد قراءة الجمل تلات مرات وبعد محاولة قوية لفهمهن
ونصيحة مهمة جدا هي انو كل مادربنا طلابنا على هالنوع من التدريبات كل ماكان بالفحص اسهل عليهن حلها لاني بالتدريب بتتعزز المهارة
والحمد لله نزل لحد الآن عدد كبير جدا من التدريبات بيقدروا طلابنا يتمرنوا عليها
***********
.