كلشــي بوقتــه حلــو و الفيتـامينـات حلــوة بوقتهــا

🔴» كلشــي بوقتــه حلــو ~ و الفيتـامينـات حلــوة بوقتهــا ‼️

✍🏻 » أحد الأسئلة يلي منصادفها بشكل متكرر ” أيمت لازم اخد حبوب الفيتامين ؟! ”

بالواقع ؛ هالشي بيعتمد على نوع الفيتامين و وسط انحلاله
و لازم ناخدها بالوقت اللي بتحبو مشان تعطينا التأثير المفيد اللي منحبو ..

🖋️ » بدايةً ؛ الفيتامينات الها تأثير منشط بالجسم لهيك يُفضل ناخدها بفترة الصباح ؛ و منبدأ مع :

✍🏻 » فيتامين C و فيتامين B12
هي من الفيتامينات الذوابة في الماء و يفضل تناولها على معدة فارغة

✍🏻 » فيتامين D و فيتامينات ” A , E , K ”
هي من الفيتامينات المنحلة في الدُسم ؛ لذلك ينصح تناولها بعد وجبة دسمة ” مو ضروري تكون كبيرة المهم فيا دسم ”

⚠️• في حال كان فيتامين A بشكل مستحضر جلدي ما بصير نتعرض للضوء أبداً لانو بسبب حساسية ضوئية شديدة » لذلك ينصح باستخدامه مساءاً قبل النوم

✍🏻 » الفيتامينات المتعددة
” يعني متل مجموعة Vit B أو بتكون مشاركة اكتر من نوع فيتامين سوا ”

لحتى نضمن امتصاصها منيح من قبل الجسم يفضل تناولها مع الطعام أو فينا ناخدها ع معدة فارغة و يكون تناولها بفترة الصباح

🖋️ » طبعاً الفيتامينات ما بصير تتاخد بعشوائية والغذاء المتوازن رح يأمن لجسمنا حاجته اليومية ..

ولكن ~› في حالات خاصة ممكن تكون معرضة لهاد النقص رح نتعرف عليها عالسريع :

🖇️ » إذا كان الشخص نباتي
🖇️ » اذا كان عندو مشكلة صحية بالمعدة أو خضغ لعمل جراحي بالمعدة
🖇️ » مشاكل صحية معوية أو استئصال لجزء من القولون
~› يؤدي لسوء امتصاص
🖇️ » مرضى السرطان احيانا ما بيقدرو يحصلو على قدر كافي من الغذاء

🖋️ » بالختام ؛ مننوه على ضرورة الاستشارة الطبية قبل تناول أي نوع من الأدوية لأنها ممكن تعملنا تداخلات و نصير بمكان تاني .

انتبهوا لصحتكم و تبقوا بالف خير 💙💙

إعـداد الصيدلانية ميــس رســتم

مــــيددوز ~ مـــــصدرك للـــــمعلومات الـــــطبية الــــــموثوقة 🛡

(ميددوز)