كل مريض مقبل على عملية زراعة أعضاء بما فيها القلب لازم يخضع لـ

بمسلسل 350 غرام شفنا نوح كيف اتغيرت شخصيتو بعد عملية زراعة القلب، وصار شخص ثاني حتى…!!

بس اللي ما اعرفتوه إنه خلف الكواليس كان في طبيب أسنان ساهم بنجاح هي العملية، و دوره كان جداً مهم.

شو أهمية هالدور ؟!!

🔴 كل مريض مقبل على عملية زراعة أعضاء بما فيها القلب لازم يخضع لـ :

⚠️ إعادة تأهيل شامل للأسنان وإزالة البؤر الإنتانية جميعها.

⚠️ الاهتمام بنظافة الفم لتجنب المضاعفات الطبية يلي ممكن يتعرضلها المريض.

بس ما فهمنا شو هالرابط العجيب بين الأسنان وزراعة الأعضاء ؟!

🔴 الفكرة كلها بالأدوية المثبطة للمناعة يلي بيتناولها المريض (لمنع رفض العضو المزروع)، وهيك بيصير مؤهب للعدوى الفطرية والأخماج.

يعني إنتان بسيط ممكن يتسبب بفشل عملية الزرع ❌ .

🔴 ونتيجة لهي الأدوية المتناولة منلاحظ عند هالمرضى:

⚠️ العدوى الفطرية بنسبة تتراوح بين 10-25 % .

⚠️ فرصة لحدوث سرطانات فموية أكبر بـ (3 – 4) مرات من غيرهم.

⚠️ ضخامات والتهابات لثوية نتيجة الأدوية المتناولة.

⚠️ لا يختلف مرضى زراعة القلب بشكل كبير في مؤشر DMFT (مشعر نخر فقد ترميم).

🔴 و لأنه هي الأدوية إلها أثر كبير على حياة المريض ونجاح هالعملية
⬅️منكتفي بمعالجة نتائجها فقط وما منوقفها أبداً.

ومن المستحسن أن يخضع مرضى زراعة القلب لفحص فموي متكرر وتنظيف أسنان عند المختصين.

وبالختام منتمنى السلامة للجميع، وما نكون حرقنا الأحدث ع يلي ما شاف هالمسلسل 🔥❤️

● إعداد : د. نغم زهير أبو فخر.
● تحرير : د. نوّار أبو حسن.
● التدقيق العلمي : د. هاشم الشعار.

● المصدر العلمي :https://go.nature.com/3zjfl4t

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم