كل يوم عم نشوف أسنان غير شكل عن لقبلها.

لَيتَ الَّذي خَلَقَ العُيونَ السودا…
خَلَقَ القُلوبَ الخافِقاتِ حَديدا❤️

بس ليش بعمرنا ماسمعنا أنَّ أحدهم قد
كتب شعراً يتغزّل فيه بأسنان محبوبته.!!😌

أنا بقلكم ليش…❕
لأن بزمنهم ماكان في تجميل أسنان😎…

أمّا عزمنّا هاد كل يوم عم نشوف أسنان غير شكل عن لقبلها…

🦷يوم أبيض يوم شاف يوم طبيعي …
معناها يادكتور في أنواع حكيلنا عنها ؟

☝🏻طبعاً موجود الزيركون الشائع ب ثمنو الغالي وجماليتو لكن أفضل استخداماتو عم بتكون للأسنان الخلفية لأن درجة شفافيتو بعيدة نسبياً عن السن الطبيعي …

☝🏻 كمان في الإيماكس هاد غار من الزيركون وحسّن من جمالو وشخصيتو وصار أقرب من شفافيّة السن الطبيعي لهيك منستخدمو للأسنان الأمامية لِ جماليّة أكثر ..

▪️والأكيد هالنوعين لِ التتويج الكامل للأسنان…

☝🏻أمّا أحدثهم فهو الفينير يلي هوي عبارة عن قشرة فقط توضع على السن بعد تحضير بسيط ك خيار تجميلي بحت للأسنان الأمامية…

لهيك من يَبتغي شعراً وعيونو مو سود فعليه بالحفاظ على جمال أسنانه… 😂❤️

● إعداد: د. آلاء ابراهيم
● تحرير: د. مهنَّد حمود

🚩اعـتماد : ” مِنصَّـةُ صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .

مواضيع صحة الاسنان والفم