لو مهما صار خطأ ؛ كل شيء ممكن يكون أفضل وقت البنت تلاقي جنبها سند يحميها .. حتى لو اخطأت ؛ تحس أنها رح ترجع لأهل يكونوا معها و يسندوها و يوجهها صح لتتصويب الخطأ.
كتير ضروري نعرف انو الحائط اذا فيه ثغرة … رح يجي شي و يعبي هي الثغرة … و كذلك اي احتياج عند اي انسان
اذا ما لاقى شي صح يعبيه ؛ رح يجي شي غلط و ينتهز الفرصة ليعبيه بطريقة خاطئة .
لهيك ؛ اي أنثى :
ما لقت حنان ببيتها … هي معرضة لتاخد هاد الحنان من منشأ آخر
ما لقت اهتمام من ببيتها .. هي رح تكون بمعرض وجود اهتمام من مكان آخر
اي ثغرة انت ما بتسدها صح ؛ رح يجي حدا و يسدها
اغلب القضايا بالمجتمع عم تكون بسبب عدم سد الاحتياجات
( ما مننفي انو كتير قضايا ممكن تمون بدوافع دنيئة .. و هي لا سلطان عليها للاسف ) بس بالمجمل نحنا واجبنا نحل القصص لي منقدر نمنع حدوثها.
خلوكن حناين .. هي الكلمتين مهمين كتير
لأنك ما بتعرف الشخص لي قدامك شو عم يعاني من جوا
في جواته حروب ما عم يطلعها لبرا
وما حابب ينكسر اكتر ؛ فبخبيها …
لهيك خلونا لطيفين و حناين
و خلونا نكون مع الأنثى و نشاركها القوة ؛ و ما نفرض عليها تحس بالعجز و الضعف .. الانثى ام و صديق و شريك بكل شيء بالحياة.
دمتم بخير
ميددوز
(ميددوز)