سبق وحكينا عن دارات حماية بطاريات الليثيوم
واليوم رح نحكي أكتر عن دارة الحماية الخاصة بثلاث مجموعات خلايا على التسلسل متل اللي بالصورة
هاي الدارة في منها 3 نسخ:
1-النسخة الأساسية تيار اقلاع للمحرك أقل من 60 أمبير
2-ونسخة محسنة بتيار إقلاع للمحرك أقل من 80 أمبير الدارة عاليمين
3-ونسخة مع وازنة، هاي متل المحسنة بس ميزة الموازنة اللي سبق وحكينا عنها ببوست ماضيالدارة عاليسار
صممت هاي الدارات للمثاقب، وللانفرترات لحد ال 400 واط
وبسحب تيار مستمر 40 أمبير
فيني جمع خلايا ليثيوم أيون أو ليثيوم بوليمير باستخدام هاي الدارة؟
أكيد الليثيوم بوليمير والليثيوم أيون مدعومات والدارة مصممة لهم بالأساس، للأسف ليثيوم فوسفات الحديد غير مدعومة وتستوجب استخدام دارة تانية
هل تصلح هاي الدارات للشحن؟
أكيد لأ، هاي الدارة بتحمي الخلايا من الشحن الزائد، بس مابتنظم عملية الشحن لبطاريات الليثيوم أيون أو الليثيوم بوليمير، اللي بتتم على مرحلتين أو ثلاث مراحل حسب جهد البطارية
طيب هيك دارة، مجرد وجودها مابيفضيلي بطارياتي؟
هاي الدارة بتسحب 24 ميكروأمبير حد أقصى ف استهلاكها مهمل، للمقارنة الليد تبع الاشعارات بالباوربانك بيستهلك حوالي ال 300 ميكرو أمبير
طب كيف حماية القصر فيها؟
نظرياً وفق الدارات المتكاملة الموضوعة لهالغرض، الأداء جيد وبتأخيرات زمنية مناسبة
عملياً، الدارة ناجحة جداً بالحماية من القصر، ووقت جربناها، استحملت أكتر من عشر مرات القصر المقصود من قبلنا، وبعدا ملينا ووقفنا التجربة
عال، معناها الدارة ممتازة ما؟
للأسف في بعض السلبيات، قد يكون أكبرها خاص بالنسخة اللي فيها موازنة، لأنو بتبلش موازنة تقريباً عند انتهاء الخلية من الشحن وبعد حتى، وهالشي مضافاً لتيار الموازنة الصغير بيأثر على عمر البطارية
تاني شي، جهد الفصل عند التفريغ الزائد منخفض بنظرنا، ومنتمنى لو كانت بتفصا عند جهد خلية أعلى
غير هيك الدارة جيدة، ومع الشحن المناسب والتطبيق الصحيح بتخدم منيح وقليل ماتعطل
مع تحيات فريق سايبرترون سوريا
سايبرترون سايبرفيو دارات BMS
لك الشكر