لابـــــســـه جـــنــي :

لابـــــســـه جـــنــي 👻:
للأسف للآن مجتمعنا ينجر ورا هالخرافات و وإذا شي شخص أصيب باضطراب نفسي معين فوراً يتجهوا فيه للنصابين والدجالين اللي استغلو جهل الناس بهالأمور، تعالو نوضوح بعض الأمور :

1- إذا شخص عم يحكي مع حالو >>>>
الدجال يقول >>> لابسو جني بدنا خاروف أسود ليطيب 😑
الطب يقول >>> إهلاسات بصرية وسمعة في سياق الفصام
2- اذا شخص يشك بأهلو ويبلش يئذي
الدجال يقول >>> لابسو جني بدنا ديك أحمر 😑
الطب يقول >>> وسواس فكري أو اهلاسات سمعية تدعوه لفعل معين في سياق الفصام
3-اذا شخص يدعي انو يشوف الملائكة و يحاكيهن
الدجال يقول >>> لابسو جني وسحر أسود مدري أحمر
الطب يقول >>> هجمة هوس
4- إذا شخص بطل يحكي و جمد بمكانو
الدجال يقول >>> الجني سيطر ع جسمو
والطب يقول >>> اكتئاب جامودي
برأيي هالأشخاص لازم يتم ملاحقتهم قانونياً
لأنهم عم يسرقوا الشخص و عم يأخروا العلاج وتتفاقم الحالة
عدا أنهم يسببو أذيات جسدية للشخص من حروق بالكوي و كسور نتيجة الضرب .

دمتم سالمين 🙂
د. خالد جمعة