الرسوب بمادة ما بيعني شي
حتى الرسوب بالسنة كلها كمان ما بيعني شي
أنك ترفع موادك كمان ما بيعني شي أبداً
أهم شي هي الاستمرارية💚
أنك تتغلب ع الشغلات اللي خلتك ترسب بشي مادة لتستمر، أو تستمر لتضلك ناجح❤
تأخر تخرجك سنة أو سنتين أو حتى تلاتة ما بيعني أنك شخص فاشل او عديم الفائدة، بالعكس ممكن تكون ناجح أكتر من كل هالأشخاص اللي نجحوا
رفيقي اللي رسب سنتين بالجامعة عم يكفي هالسنة ماجستير معي ورح يكفي دكتوراه💙
كمان رفيقي اللي نجح ب 5 سنين بالهندسة معتبر حالو أنو من دون اي إنجاز 💔
الشغلة بترجعلك ألك كيف بتخلي كل الأمور لصالحك سواء كان نجاح أو رسوب، وأنت أكيد عندك كل هالقدرة صدقني…
ما تزعل لأنك رسبت لأنو بالأصل ما حدا مهتم لنجاحك أو رسوبك أنت بس عم تزعج حالك وحدك بالإضافة لأهلك
بس كلنا عننا ثقة فيك لتعوض كلشي صار مو منيح
بداية السنة الجديدة بعد أقل من شهر فيك تخليها سنة كاملة لصالحك، تأنجز فيها ما يعادل إنجاز أشخاص بأربع سنين سواء من حيث الدراسة أو الشغل (رح أحكي عن هالنقطة)
بعرف أنو أنك ترسب بمادة او تنين أو تلاتة او حتى السنة صعب كتير وخاصة إذا كنت تعبان على حالك كتير، بس هالشي مو يعني أنو تغير فرعك أو خالص أنت مو ناجح بهالفرع، أو تستسلم للشي اللي صار….
إذا تخرجت بعمر ٢٢ أو بعمر ٢٥ النتيجة وحدة وهي أنك رح تحصل على شهادة التخرج
بس نحن بهمنا المضمون، شو عملت لتخرجت؟ شو أنجزت؟ أنت راضي عن حالك؟ تخرجت بالاعتماد على حالك؟ مستعد للمرحلة لما بعد التخرج؟ وكتير أسئلة غيرها
لهيك إذا كنت ناجح أو راسب بكذا مادة أو راسب السنة كلها هالشي ما بيعني أي شي أبدااا
ممكن تتعذب بإعادة المواد اللي رسبت فيهن أو السنة بس تأكد أنو إذا كنت تعبان على حالك هالشي رح تكون لصالحك❤
وآخر شي حابب قلكم أنو ٤ مواد حملتهن وقت كنت بالجامعة ظلم وزعلت كتير عليهن وانقهرت، بس النتيجة كانت غير
أنو بسبب هالمواد أنا حاليا بمرحلة الماجستير وقريباً حدا بمرحلة الدكتوراه💚
وأنت في شي حلو مخبالك أكيد🧡
اتفقنا؟!
ضياء ناصيف
Deaa Naseef