لعبة الحبار بين الحقيقة والخيال بين الصداقه والخيانة والغ

لعبة الحبار

بين الحقيقة والخيال⁉️

بين الصداقه والخيانة والغدر⁉️

ببن الخسارة والفوز⁉️

بين لعبة الحياة والموت⁉️

وين الممتع لما تشوف الصراع بين الفقر والموت⁉️

وين الإثارة وقت يكون ثمن الخسارة خسارة الإنسان البشري للحياة

وين نجاح العمل لما يكون الهدف من لعبة أطفال تتحول لآلة للموت (غميضة، شد الحبل…)

مافي شخص يمكن ما شاف حلقة أو الحلقات التسعة لمسلسل لعبة الحبار و حاول يخلصهن بيوم واحد لأن فيه إثارة وعنف وقتل

⛔بس إذا منجي لنشوف السلبيات فهي كتير

وأولها خطورة مشاهدة هيك مسلسل عالأطفال لأن بيعكس عنف دموي خطير والطفل ممكن يسببله هالشي خوف وعزلة

ويمكن يوصل لفكرة أنه المال أساس الحياة

وكمان بيعكس عدم قدرة الشخص ع حل مشكلاته يلي بتواجه بالطريقة الصح بعيداً عن العنف والضرر الجسدي

وتخلي الطفل مايتعاطف مع الإنسان ويبقى بعيد عنه مقابل الفوز وبس

وكمان الحالة النفسية يلي ضلت مرافقة المشاهد وأبطال المسلسل من توتر وقلق مع احداث المسلسل لمعرفة الرابح النهائي

وهي غير أنه ممكن بعض الناس تستغل حاجة الشخص للمال

واديش ممكن تكون الضغوط النفسية خطيرة وبتسبب الموت

بالختام لعبة الحبار لاقت ضجة كبيرة ومشاهدة عالية
بس مو كلشي بيعكس العنف هو طريقة لنهرب فيها من مشاكل الحياة

حاولت سلط الضوء ع جانب سلبي من لعبة الحبار

كنت معكن أنا أمل ماهر سعيد

تبقو بخير ♥️

خبرونا شو يلي دفعكن لتحضرو لعبة الحبار ⁉️

(سماعة حكيم)